今日趁暑期就完, 帶姪女去海港城大門口睇叮噹!!! 講叮噹時佢冇咩反應, 係喎, 佢地淨係識「多啦A夢」咋喎, 哈哈~
12點前去到, 已經好多人!!! 掛住睇實個細嘅, d相都係求其影, 冇時間慢慢拎角度... 帶咗相機都冇時間拎出o黎, 用iPhone影咋...
初時好驚姪女對「多啦A夢」冇興趣, 好彩去到佢都好開心, 自己揀鍾意嘅叮噹合照... 後尾影到唔想走...
有d叮噹唔使等就影得, 有d熱門d嘅要等3組人左右, 好彩無論大人同小朋友都好守秩序, 自發排隊...
係有幾隻叮噹, 有單身大朋友離遠拎緊角度影緊齋叮噹, 姪女唔知道, 以為冇人影緊, 標咗埋去, 同佢解釋都好似聽唔明, 冇計, 唯有同大朋友講聲唔好意思, 然後9秒9影完帶姪女走, 哈哈..
影咗50隻以上, 揀幾張角度正常d嘅Post出o黎...
影到標晒汗, 好辛苦!!! 不過都好開心!!!
旁邊的小女孩好...enjoying! 多啦A夢一起拍照的確開心, 發覺你去的時間不算勁人多呀! 比較我去當天, 照片拍得好靚同氣氛好好呀!
回覆刪除[版主回覆09/07/2012 12:23:06]哈哈, 佢超開心! 慶幸我去果日唔太多人, 個個朋友去完都話超迫人, 都幾驚~