西歐「文藝復興」2012の回家鳥

3 May 2012, Thursday
 
10^oC, Rainy

最後一日啦!!! 我唔想走呀!!!

7:30AM 執好晒行李, 要同呢對婆仔運動鞋講Bye Bye, 著住佢去過無數地方, 著到鞋底d釘都蝕晒... 你就永永遠遠留係法國吧啦!!!

8:00AM 酒店早餐

9:00AM Check-out, 落Lobby用Free Wi-Fi上網
10:00AM 我地有9個人唔去倫敦, 旅行社安排咗1架8人車+1架的士o黎接我地去機場...

接我地嘅馬生話佢都係KUONI導遊, 好強調佢同帶我地嘅導遊係同職級嘅, 揸的士果位係佢親Brother~

Honey坐車頭, 行車時阿馬生主動同大家閒談, 得知我今次咩都冇買, 但十年前o黎就有買過LV, 竟然大讚Honey勁, 教導有方!!! 其實都幾"銀"耳... 我心諗"真係要買嘅, 我自己都有能力買, 使咩一定要男人比錢女人先有手袋用"... 差d衝口而出駁咗佢, 不過算啦, 既然佢對Honey咁敬仰, 無必要搞到個場面咁僵... 哈哈哈... 我都覺得自己好勁呀, 忍到口!!!

11:00AM 到達巴黎戴高樂機場

Check-in唔使排隊, 一陣間已經搞掂~

大把時間剩, 去咗麥當當食o野, 繼續用佢個Free WiFi~ 呢個餐, 已經接近100蚊港紙~

係麥當當坐咗大半個鐘, 又出去行下... 見到有間Cafe嘅Macaroon好大隻呀, 只係3歐羅咋, 好抵呀!!! 仲有咁多顏色, 好吸引呀!!! 終於... 

忍唔住買咗一個粉紅色, Raspberry味, 大過我隻手掌呀!!! 等上機時食咗, 好好味呀!!! 好脆呀!!!

戴高樂機場幾豪呀!!! Free Wi-Fi呀!!! 大拿拿15分鐘呀!!! 15分鐘呀!!!!!! Connect得o黎都夠鐘啦, 痴線!!! 咪鬼學人攪Free Wi-Fi啦!!! 小家到吖... (香港機場個Free Wi-Fi係冇限時o架)

2:00PM 起飛啦!!!

3:30PM 食晚餐啦喂... 係, 係晚餐!!! 白汁蝴蝶粉都幾好味, 最好味係Mega, Yummy!!!

7:30PM 派Supplement啦喂... 我地要求食杯麵, 終於有機會食到傳說中嘅國泰杯麵, Yeah!!! (其實... 我地一d都唔肚餓, 只係想試吓, 哈哈)

11:30PM 派早餐啦喂... 都幾好味... d人話飛機餐難食, 如果你係香港起飛, 的確係, 因為香港d食物太美味!!! 如果你係歐洲起飛, 飛機餐會變成美食, 因為歐洲d團餐太難食...

去程時我地坐近機尾收窄位置, 前面果行都仲係3座位, 我地果行開始2座位, 唔使同陌生人迫埋一齊十幾粒鐘, 正到暈~

回程時坐最後一行中間位置, d人去厠所係你身邊穿梭, 好滋擾, 仲要沖厠時好嘈, 有時更會傳出嘔心嘅臭味... 十幾粒鐘, 瞓唔安, 坐唔落, 第一次坐飛機坐到咁可憐!!!

返到香港已經係早上...

沖個涼, 瞓咗個晏教, 7點去西苑食個豐富晚餐, 好好好味呀!!! 之前食得太多食厭咗, 而家食咗1星期歐洲Junk團餐, 西苑又再度變回人間美食!!!

戴高樂機場正在大肆擴建商場, 沙塵滾滾!!! 行咗一陣Duty Free, 原本只係打算Hea行打發時間, 不過見到d得意手信, 又忍唔住買咗~


唉, 又要返回現實生活啦!!!

返到o黎都未封好晒d行李, 又想再去歐洲啦!!! 玩到上咗癮呀!!! 希望下年可以去北歐睇午夜太陽啦~

西歐「文藝復興」2012 の 總匯 http://www.kenmerry.com/2012/08/2012.html