西歐「文藝復興」2012の艾菲爾鐵塔的日與夜, 巴黎, 法國 (Eiffel Tower, Paris, France)

1 May 2012, Tuesday
 
9^oC - 19^oC, Cloudy

~ 巴黎鐵塔小檔案 ~

艾菲爾鐵塔由橋樑工程師居斯塔夫·艾菲爾設計，從1887年1月26日起建，於1889年4月25日建成, 總高324米，分為三樓，分別在離地面57.6米、115.7米和276.1米處，為巴黎最高的建築物。
其中一、二樓設有餐廳，第三樓建有觀景台，從塔座到塔頂共有1711級階梯，共用去鋼鐵7000噸，12000個金屬部件，250萬隻鉚釘，極為壯觀。

遊客可以選擇徒步登塔上第一層和第二層，又或者坐升降機上第一層和第二層及最頂尖。

玩完塞納河船河, 就殺過去艾菲爾鐵塔!!!


上次行色匆匆, 只係係巴黎鐵塔下面行個圈, 影咗幾張相... 今次個團包埋「登鐵塔第2層」, 但係行程列明「如未能安排登艾菲爾鐵塔，將改往56層蒙巴納斯大樓，俯瞰巴黎全景」, 出發前都驚自己會好黑仔冇得上鐵塔, 好彩今次成個行程好好運, 冇乜阻滯~

等陣我地就會乘搭呢部升降機, 登上艾菲爾鐵塔第2層~


導遊派飛後, 大家就要排隊乘搭升降機~


都排咗半個鐘先搭到Lift~ 你地睇吓!!! 揸Lift人呀!!!

WoW!!! 好靚呀!!! 可以望到好遠呀!!! 仲望到我地頭先遊完船河嘅塞納河~

好靚呀!!! 一望無際, 好開揚!!! 塞納河對岸係夏佑宮(Palais de Chaillot)後面係新凱旋門(La Grande Arche de la Défense)~

好靚呀!!! 哈哈哈... 除咗講「好靚呀」之外, 都唔知可以講咩啦!!! 右手邊係蒙巴納斯大樓(Tour Montparnasse), 全法國最高的摩天大樓~ 左下角係巴黎鐵塔嘅倒影~

影咗半個鍾又要趕住走喇!!! 唔夠喉呀!!!

搭Lift走時, 見到好大個指示牌, 大到有d誇張!!! 不過實際情況係真係好多PickPockets, 無論係塞納河、巴黎鐵塔、又或者係百貨公司, 可以稱得上係總有一堆扒手係左近!!! 大家要記住、記住、記住, 提防、提防、提防!!!

8:00PM 夠鐘食晚飯啦~

「Foutaine de Jade 玉泉樓」-- 嘩!!! 罐頭粟米湯?!! 細個時餐餐都飲咁滯, 大個之後就唔想再飲, 估唔到中式酒樓居然會供應呢d懶人湯, 坦白講, 我覺得... 幾Cheap吓囉~ 其他食物都幾好味, Good~

食飽飽就返酒店(Hotel Pullman Paris Tour Eiffel), 只係餐廳過一個街口, 嘩!!! 間房好大呀!!! d設備好齊呀, Lobby仲有Free WiFi!!! 走廊外面嘅嘩嘩聲更大, 出去睇吓... 嘩!!!!!! 有團友間房對到正巴黎鐵塔呀!!! 好正呀!!!!!! 嘩!!! 原來有澳門團友間房仲有露台添呀, 行出去露台望到正巴黎鐵塔o架, 好靚呀, 羨慕死人啦!!! 


香港人真係好鐘意行街, 夜麻麻, d團友都仲好好興致話要夜遊超市... 

由於巴黎治安麻麻, 所以大家係酒店Lobby組成14人小隊之後, 自行點齊人數, 出發前講到明「一個都不能少」, 每次過馬路或者街角轉彎位都會重新點一次人數...

另1隊6人新婚小隊就分道揚鑣, 去咗飲o野~

10:30PM 原來超市9:00PM已經閂晒, 最後我地連紀念品店都唔放過...

紀念品店隔離仲有間雜貨店... 有生果, 零食, 飲品, 日用品... 有團友5月2日生日, 我地夾錢買咗支香檳(37歐羅)同佢慶祝~

10: 00PM 呢張係Shopping前路過巴黎鐵塔影嘅...

影影吓...

嘩)))))))))))) 會閃嘅?!! 好靚呀!!!!!! (全場閃叫-ing)

之前見到d Bloggers話午夜12點正會閃, 我仲一心諗住要等到12:00AM先有得睇, 估唔到10:00PM已經有, 好Surprise呀!!!

11:00PM Shopping完, 返轉頭, Set好腳架, 等佢再閃~

嘩!!!!!! 閃啦!!!!!! 好靚呀!!!!!!

Set咗腳架就可以同鐵塔合照... 仲幫同行嘅團友影埋, 比人笑我地平時係咪係尖沙咀海旁搵開食, 哈哈~


14人小隊返到酒店解散, 我地約好其中2對夫婦12點再落Lobby開香檳, 為其中一位太太慶祝生日...

12:00AM 大家係酒店門口輪流拎住支香檳影單人相, 影完單人相又影雙人相, 最後六人合照都影埋, 就由壽星女開香檳!!! 個木塞飛咗去馬路對面架靚車度, 好彩冇打中咋...


開完香檳, 我地行返入Lobby邊飲香檳邊傾計, 吹水吹到2點都唔願走... 第二朝個人都Wing Wing地~

雖然好辛苦, 但係好開心, 去旅行可以識到啱傾又啱玩嘅團友係好難得嘅事, 我會好好珍惜呢段美好嘅「午夜巴黎」回憶!!!

同埋好彩酒店勁近巴黎鐵塔, 令到我地可以好安心咁同「午夜巴黎」玩遊戲, 因為酒店保安員就係我地附近值班咋~

西歐「文藝復興」2012 の 總匯 http://www.kenmerry.com/2012/08/2012.html