9oC - 19oC, Cloudy
~ 巴黎小檔案 ~
巴黎位於法國北部巴黎盆地的中央，是法國的首都和最大城市，全市分成20個區，人口超過1200萬。
巴黎三個最有名的地標分別是：巴黎聖母院、凱旋門，和艾菲爾鐵塔。
離開凡爾賽宮, 唔使半個鐘, 已經去到巴黎市心嘅香榭麗舍大街, 當然要同戴高樂廣場中央嘅凱旋門影張合照啦~ 只係短暫停留10分鐘咋, 真係想慢慢影個靚d嘅角度都唔得~ 10年前係呢度比人踩滑板搶DV嘅情景仍然澀澀在目~
* 拿破崙為紀念1805年戰勝俄羅斯及奧地利, 興建凱旋門 (Arc de Triomphe Etoile), 於1836年完成。
閃電式參觀完凱旋門, 就坐車去拿破崙墓~
* 拿破崙墓(Tombeau de Napoleon)位於巴黎傷兵院(Hotel des Invalides)的圓頂教堂(Dome des Invalides)下，榮軍院內還有軍事博物館（Musée de l'Armée）。
轉個身, 閃電式影埋巴黎大皇宮, 跟住又上車~ 10年前自由行路經此地, 都唔知傷兵院同大皇宮係咩建築物, 只係覺得好靚好Grand, 真係有眼不識太山~
* 巴黎大小皇宮(Grand et Petit Palais)位於香榭麗舍大道，隔著亞歷山大三世橋(Pont Alexandre 3), 遠眺金色圓頂的巴黎傷兵院。於1900年巴黎萬國博覽會,是巴黎工商展覽場地及國家畫廊。
離開時遇到遊行示威, 好彩無阻我地去路... 今日係五一勞動節, 有遊行示威都好正常啫~
塞納河船河River Seine Cruise--今次巴黎之旅嘅重點之一!!! 因為上次我地係徒步欣賞塞納河景色, 遊船河係第一次~
船上一早已坐滿人, 好唔容易搵到2個位, 估唔到咁就跌咗落「樑上君子」預先設好嘅陷阱!!! 我特登扮自拍, 影低咗佢地個賊樣, 大家要密切留意「治安篇」嘅詳細報導!!!
開船~ 亞歷山大三世橋~
橋上的雕像金碧輝煌~
波旁宮 (Palais Bourbon)~
軍團騎士博物館 (Museum of the Legion of Honour)~
鑄幣博物館 (Institute of France Hotel de la Monnaie)~
位於巴黎源始中心點--西提島上的巴黎聖母院(Notre-Dome)~
巴黎古監獄 (Conciergerie)~
巴黎艾菲爾鐵塔(Eiffel Tower)呀!!!!!!
艾菲爾鐵塔, 你要等埋我地先好收工呀!!! 我地一落船就會趕過o黎o架啦!!!
沒有留言:
張貼留言