西歐「文藝復興」2012の維羅納, 意大利 (Verona, Italy)

28 April 2012, Saturday
 
12^oC - 27 ^oC, Sunny 
~ 維羅納小檔案 ~

維羅納位於義大利北部威尼託大區阿迪傑河畔的一座歷史悠久的城市，人口約260萬人。坐落在阿達湖和威尼斯的附近，成為旅遊勝地和威尼托地區的經濟中心。莎士比亞的名作《羅密歐與茱麗葉》以此城為背景。2000年入選聯合國教科文組織的「世界文化遺產(UNESCO World Heritage)」。 
離開威尼斯, 坐2個鐘頭車就到達, 旅遊巴要泊係城區外, 然後步行入城~

圓形競技場（Arena di Verona）-- 世界上現存的第三大圓形競技場~

沿途有好多好靚嘅建築物~

香草廣場 (Piazza delle Erbe)~


電影《茱麗葉愛情信箱》(Letters to Juliet)，令「羅密歐與茱麗葉」(Romeo and Juliet)嘅故鄉成為熱爆旅遊地點!!!

終於到處... 茱麗葉之家 (Casa di Giulietta)!!!

o黎到茱麗葉之家嘅指定動作... 胸襲茱麗葉!!! 幾經辛苦戰勝o黎自全球嘅遊客, 迫到埋去, 我原本只係搭住朱小姐隻手影相, 但係導遊話一定要胸襲(愛情路會一帆風順), Oh No!!! 我真係接受唔到囉!!! 說時遲那時快, Honey捉住我隻手搭咗上去, 導遊即時按快門, 我暈啦~

茱麗葉嘅露台 (Juliet's House and Balcony)!!! 茱麗葉就係呢度接受羅密歐示愛, 好浪漫呀!!! 可惜... 唔夠時間上去扮朱小姐~ 


愛情鎖~


情書牆~


離開茱麗葉之家, 坐一陣旅遊巴, 轉幾個彎, 就已經到酒店(Holiday Inn Congress Centre Hotel)... 嘩!!! WiFi要10蚊 Euro, 唔係呀嘛?!! 太貴, 堅決唔用!!! 嘩, 部Lift舊到吖, 只可以入到4個人, 仲要得2部, 仲要起碼40歳!!! 我之後食晚餐同早餐都係行樓梯算吧啦~


7:00PM上到房, 梳洗一下就落餐廳食晚餐~ 房內設施OK齊~


晚餐都唔錯, 豬扒個樣麻麻地, 好重酒味, 我覺得OK, 澳門團友就話口感同味道都似時菜肉片, 哈哈, 都幾似... 意粉好酸但食落又幾開胃... 甜品都幾滑~ 等食期間, 有團友已經極速去咗酒店附近嘅Supermarket掃貨, 同枱澳門團友好想去, 最後Honey陪咗佢去, 買咗d生果返o黎... 飯後其他團友搵Honey帶路, 可惜去到Supermarket居然CLOSED!!! 8:30PM之嘛!!! 明明行到去都仲未熄燈, 見到我地咁大棚人企係門口, 即時熄燈, 激死!!!


唔知係咪係威尼斯曬過籠, 個人好攰, 10點就瞓覺覺豬~

西歐「文藝復興」2012 の 總匯 http://www.kenmerry.com/2012/08/2012.html