西歐「文藝復興」2012の威尼斯, 意大利 (Venice, Italy)

28 April 2012, Saturday
 
12^oC - 27 ^oC, Sunny 
~ 威尼斯小檔案 ~

威尼斯是意大利東北部著名的旅遊與工業城市，人口約160萬人。威尼斯曾經是威尼斯共和國的中心，十字軍進行十字軍東征時也曾在這裏集結，而且也是13世紀至17世紀末一個非常重要的商業與藝術重鎮。
威尼斯的水道舉世知名。潟湖上的118座群島約由150條水道交織而成。構成威尼斯的島嶼約擁有400座橋樑。在古老的城市中心，運河取代了公路的功能，所以主要的交通模式是步行與水上交通。中心舊市區街道狹窄，為步行區，是歐洲最大的無汽車地區。
「貢多拉」是威尼斯最具代表性和道統的水上代步小船。但現今威尼斯人通常會使用較為經濟的水上巴士穿行市內主要水道和威尼斯的其他小島。
威尼斯和附近的潟湖在1987年被列為「世界文化遺產(UNESCO World Heritage)」。


今日酒店早餐都係果幾味~ 食完早餐就去碼頭坐包船入威尼斯~ 架船十足十香港d舢舨, 坐到我想嘔, 嗚嗚嗚嗚... d話梅溜咗響旅遊巴度呀~ (有Aunt真係頂唔順, 我借咗支100%新嘅百花油比佢聞, 拎出o黎果刻我覺得自己好"婆仔"呀!!!)

一上岸就見到街頭表演者, 成團人即刻衝埋去合照!!! (費用係隨心嘅, 我比咗1 Euro, 放係地下個碟仔就得)

再向前行... Oh!!! 嘆息橋 (Bridge of Sighs) 呀!!! 好迫人呀, 迫咗好耐先迫到埋去影相... 


相傳情侶們只要係日落時, 坐住貢多拉, 係嘆息橋下面Kiss, 咁就可以天長地久!!! 而前法國總統「薩爾科齊(Nicolas Sarkozy)」有份做寸星嘅電影「情定日落橋」就係以嘆息橋, 亦以呢個古說傳說為藍本, 薩爾科齊會係下面呢段片嘅1分30秒出現~ 真係勢估唔到, 薩爾科齊同佢老婆一樣都有鋪寸星癮~http://www.youtube.com/watch?v=kPI1IRjonRE

聖馬可廣場(威尼斯中心廣場), 被拿破崙讚美為“世界上最美麗的客廳”~

聖馬可大教堂 (Basilica San Marco)位於聖馬可廣場東側~


全團得我同Honey 2個唔坐「貢多拉 (Gondola)」*自費活動*, 領導叫我地唔坐都可以去影吓相...

要自行夾齊6個人坐1隻, 團友等緊上船... 年輕女士們好緊張自己坐果架船個船伕型唔型仔~

團友上晒船, 我地就週圍逛吓... 見到一座好靚嘅建築物~

仲有好多好靚嘅玻璃藝術品~

團友們坐完「貢多拉」就係聖馬可廣場 (Piazza San Marco) 嘅鐘樓下面集合, 一齊去參觀玻璃廠, 欣賞專人示範製造玻璃過程, 之後上2樓聽吓d推銷, 光顧埋佢個Toilet就鬆人~

從另一個角度欣賞嘆息橋~

12:00PM 有飯食啦!!!

「Rossopomodoro Cucina e pizzeria napoletana」--意大利薄餅(行程表嘅特色美食之一)係用大麥餅底, 好煙韌, 餡料係我至愛嘅蕃茄+芝士, 不過蕃茄酸咗少少!!! 海鮮意粉都OK好味... 麵包用紙袋上, 好特別... 炸墨魚好新鮮... 野菜沙律好好好鹹呀!!! 打瀉鹽呀?!! 

食飽飯仲有時間掃吓貨!!! 呢間手信店仲平過出面d流動黑人小販, 貨品又齊又有冷氣, 買都買得安心又舒服, 就係玻璃廠對出少少之嘛~

總督宮‎ (Palazzo Ducale) ~

呢幅壁畫係描述緊當年用豬肉遮蓋聖馬可屍體偷運入境嘅事跡~


呢個男遊客好勇呀!!! 放d麵包係手, 等d白鴿飛上佢隻手度食~ 我企係道濟皇宮前面影相, 似唔似去咗澳門威尼斯人酒店呀?!! 哈哈哈哈~ 圓柱上面個雕塑係威尼斯城徽飛獅~

到處都係貢多拉碼頭~

呢隻雀仔幾醒目, Lay埋響d檔口仔嘅去水位度消暑~ 我都好想Join佢, 我d皮曬到燒乳豬咁啦~

回程架船正常好多~


開船~

拜拜啦, 威尼斯~

威尼斯嘅戰利品~ 每年2-3月期間舉行嘅威尼斯狂歡節遊行, 大家會著晒古裝, 戴晒面具, 係聖馬可廣場開化妝舞會~ 如果可以夾啱時間去就好啦, 我未試過去化妝舞會呀~ 


上岸後要坐2個鐘頭車去茱麗葉嘅故鄉--維羅納!!!

西歐「文藝復興」2012 の 總匯 http://www.kenmerry.com/2012/08/2012.html