西歐「文藝復興」2012の羅馬, 意大利 (Rome, Italy)

26 April 2012, Thursday
 
9^oC - 22 ^oC, Sunny

~ 羅馬小檔案 ~

羅馬為義大利首都，世界著名的歷史文化名城，古羅馬帝國的發祥地，因建城歷史悠久而被暱稱為「永恆之城」。其位於義大利半島中西部，市中心面積有1200多平方公里。羅馬與佛羅倫斯同為義大利文藝復興中心，也是第二次世界大戰中少數沒被戰火波及的城市之一，現今仍保存有相當豐富的文藝復興與巴洛克風貌；1980年，羅馬的歷史城區被列為「世界文化遺產(UNESCO World Heritage)」。

一落機就要趕去羅馬鬥獸場... 今日好好天呀!!! 太好啦!!! 

君士坦丁凱旋門~

古羅馬廢墟~

古羅馬競技場(Colosseum)~


由於Flight Delay 3小時, 我地只可走馬看花, 因為要趕翻晒今日嘅行程, 所以動作一定要快~

匆匆忙忙參觀完第1個景點, 已經要1:00PM啦, 要趕去食午餐啦~

「龍鳳樓」-- o黎到歐洲嘅第1餐居然係食中菜?!! 除咗唔習慣飲滾湯之外, 其他食物都幾OK, 特別係炆豬腳, 炆得好鬼好食~ 海鮮意粉(行程表嘅特色美食之一)居然出現係中餐真係有d怪怪地, 有少少接受唔到囉, 但係又出奇地好味喎~ 飯後果有意大利血橙, 個樣的確嚇人, 食落就同平時食嘅橙味道差不多~


食飽飽, 就坐車去有「許願泉」之稱的德維雷噴泉(Trevi Fountain), 一到埗, 嘩!!! 好靚呀!!! 嘩嘩!!! 好多人呀!!!


好辛苦先迫到埋去...


學人投番個硬幣先... 咦?!! 投完先醒起, 唔記得許願呀!!! 同埋見到人地係背住個池投o架, 所以又再投多一次... 匆匆忙忙影咗幾張相, 又要趕下一個景點啦, 想話食番杯意大利雪糕Gelato都唔得, 我唔制呀!!! 集合後, 要行30分鐘先去到旅遊巴停泊嘅地方, 由於條路線實在太長, 而且9曲13彎, 我地同其他團友差d一齊走失咗, 好彩導遊終於翻轉頭搵我地咋... 途中見到呢個士兵公仔好得意, 忍唔住要同佢合照~


~ 梵蒂岡小檔案 ~

梵蒂岡位於意大利首都羅馬市，為天主教會最高權力機構聖座的所在地，也是教宗的駐地所在。作為世界六分之一人口的信仰中心，梵蒂岡也是全球領土面積最小、人口最少的國家。
不知不覺間已經進入咗梵蒂岡(Vatican)嘅區域, 勁多人排緊隊入聖彼得大教堂(St. Peter’s Basilica), 睇吓呢間要耗時150年先起好嘅建築物~ 聖伯多祿廣場好大好靚呀, 聽講呢度可以容納超過六萬人o架, 好勁呀!!! 右下角係我地呢9日嘅領導(隊)--「南北極徐」(全港唯一一個帶過南極團同北極團嘅導遊, 佢話)~

排咗半個鐘, 終於入到去喇~ 教堂正面上方有 耶穌基督及使徒的雕像~

嘩嘩嘩!!! 入面好好好靚呀!!!

參觀咗一陣, 又要走啦~

教堂前面左邊呢位係手握兩把鑰匙嘅聖彼得~

右邊呢位係左手持劍、右手披卷嘅聖保羅~

呢個一望無際嘅膠櫈陣, 規模幾咁驚人...


趴地企鵝又要出o黎搶鏡頭啦~


離開時已經5:00PM, 坐咗個半鐘頭車去中途站Chef Express, 見到呢隻車仔型意大利粉超KAWAII, 所以忍唔住買咗3包!!! 原本想大量入貨, 可惜個旅行喼未出發已經塞到爆, 又驚冇位又驚超重, 所以要忍手~

再坐多2個鐘頭車先返到酒店(ART hotel MIRO), 已經9:30PM, 大家先食晚餐先~ 凍肉味道濃郁, 好食過香港果d... 香草燒雞都唔錯... 蘋果批好Good...

食埋晚餐上到房都已經10:30PM, 好攰呀!!! 已經40個鐘冇瞓過啦!!!

間房係好大, 不過咩設施都冇, 連Writing Pad都冇, 使唔使咁環保呀?!! 冇冷氣都慣晒, 茶包果d免問, 面紙果d免問, 就連梘液都冇, 只得1舊洗手用嘅番梘!!! 最憎佢個風筒, 拎o黎吹吓手就得, 吹頭啦喎, 真係吹10次都唔乾呀!!! (注 : 牙膏牙刷係歐洲一定係欠奉嘅)

西歐「文藝復興」2012 の 總匯 http://www.kenmerry.com/2012/08/2012.html