西歐「文藝復興」2012の米蘭, 意大利 (Milan, Italy)

29 April 2012, Sunday
 
13^oC - 22 ^oC, Rainny 
~ 米蘭小檔案 ~

米蘭是義大利的第二大城市，也是義大利工業化最深的城市之一。目前有132萬居民，但如果將郊區的居住人口計算在內，則大約有400萬人，是歐洲最大的都會區之一。總面積約有1,982平方公里 ，每平方公里超過2,000人居住。
生產總值佔義大利國內生產總值的4.8%，這個地區也被稱為藍香蕉（Blue Banana），是歐洲人口最密集與工業最發達的地區 。


今日早餐都離唔開果幾味, 不過麵包款式多咗, 仲有羊奶芝士同腸仔... 領導叫我地食6:45AM, 因為有另一團KUONI強國人7:00AM會殺到, 領導話到時我地一定唔夠人爭... 結果未夠7:00AM已經有強國人走入o黎想偷步, 好彩領導控制住... 7:00AM... 大開眼界... 我地的確冇可能再埋到BUFFET枱... 我LALA聲食完先返上房執行李~

8:00AM從維羅納出發, 坐2個半鐘頭旅遊巴去到米蘭, 落雨啦!!! 好彩之前3日都藍天白雲, 今日嘅行程基本上只有"名店街購物", 有瓦遮頭, 影響唔大~

係旅遊巴上面領導不停提醒大家, 因為意大利4天假期開始, d鋪頭唔會開, 大家只可以Windows Shopping!!! 係旅遊巴上面都見到好多Shops Closed, 但係去到"名店街"就有好多鋪頭開咗, 失望嘅團友又再度現出曙光~

穿過艾曼紐二世拱廊進入商店街, 除咗見到好靚嘅十字型圓拱天花~

咦... 好多人圍住一隻牛喎!!! 個個都爭住用腳跟踩住牛睪丸轉3個圈, 聽講會帶o黎好運, 連小朋友都唔執輸~

我又踩!!! 不過只係踩牛頭!!! 見到LV個Display好靚, 又見好多各國遊客都影相, 我又影吓先~


穿過"名店街", 仲落緊雨, 唯有草草影幾張相就跑番入"名店街"~


冇o野做, 11:30AM就食Lunch!!! 今餐自費, 我地睇咗幾間, 都係覺得呢間2層高嘅小店「il Salotto di Milano」氣氛好d, 價錢又比較相宜(名店街內比較)~

Cappuccino decaffeinato--個個Blog友都話去到意大利一定要去Cafe嘆吓咖啡, 所以我都唔執輸~

Cioccolata (in tazza)--Honey揀咗熱朱古力, 仲貴過咖啡?!! 原來貴得有道理, 咖啡偏淡, 朱古力就濃得交關, 好好飲!!!
Spaghetti al Pomodaro Fresco e Basilico--新鮮蕃茄同羅勒煮成嘅意粉汁, 加上煙韌彈牙嘅巨型長通粉, 實在係完美!!!
Al Salame (Diavola)--Pizza底係大麥, 煙韌有餘, 簡簡單單嘅Tomato+Mozzarella Cheese+Salami, 已經好味到暈!!! 真係大件夾抵食!!! 隔離枱2位西方女士係1人食1個o架, 好刷得, 勁呀!!!　

呢餐承為41.5 Euro!!! 算抵o架啦係歐洲, 仲要係米蘭名店街入面!!!

離開時見到餐廳註明Pizza Cotta Su Pietra (Pizza Cooked in Stone-Oven)... 嗯... 石爐燒嘅Pizza... 之前又真係好似未食過喎!!! 唔怪得咁好食啦!!!

食飽飽, 見出面停咗雨, 就出去影吓相...

艾曼紐二世拱廊 (Galleria  Vittorio  Emanuele  II)~ 米蘭大教堂側邊嘅飲水器~

米蘭大教堂背面~

米蘭大教堂側邊嘅建築物~

100 Sogni Morti Sul Lavoro... 唔知咩展覽, 好特別, 好多唔同色嘅工作服~

米蘭大教堂--世界第三大教堂!!! 門口好多人排隊入內參觀, 可惜... 我地又夠鐘上旅遊巴向下一個景點出發啦啦啦~ 嘩!!! 集合時見到部分團友都一袋二袋戰利品, 面上露出勝行嘅笑容!!! 未買到心頭好嘅團友就交頭接耳, 只有我地2個奇人, 純觀光!!!


跟住我地要坐5個鐘頭旅遊巴去瑞士嘅琉森, 暈啦!!!

西歐「文藝復興」2012 の 總匯 http://www.kenmerry.com/2012/08/2012.html