西歐「文藝復興」2012の夜遊琉森, 瑞士 (Lucerne, Switzerland)

29 April 2012, Sunday
 
13^oC - 22 ^oC, Rainny 

~ 琉森小檔案 ~

琉森（Luzerne）是瑞士中部琉森州的首府，位於琉森湖畔。面積約24平方公里，人口約：5萬7千人,擁有4種官方語言，包括德語、法語、義大利語、羅曼斯方言。
琉森最著名嘅標誌係卡佩爾橋(Kapellbrücke)和水塔。卡貝爾橋又稱教堂橋, 全部由木板建成，座落於羅伊斯河上，建造於1333年，全長204米，1993年發生火災後重新修復。 

係米蘭坐咗5個鐘頭旅遊巴, 終於去到琉森, 好彩有大量涼果照住, 暈車浪, 使乜驚呀!!!瑞士的確係受到上天嘅特別眷顧, 旅遊巴一進入瑞士國景, 眼前所見盡是氣氛磅礡得令人透不過氣嘅迷人美景!!! 相機嘅咔喳聲不絕於耳!!! 呢3張相隔住玻璃窗影都可以靚到咁, 我醉啦~

6:00PM到達琉森, 前往獅子廣場(Lowenplatz)~


垂死獅子像(Löwendenkmal)紀念係法國大革命時犧牲嘅850名瑞士僱傭兵。馬克吐溫話佢係世界上最令人悲傷和感動嘅石頭~

呢個係今次行程嘅重點之一, 因為上次唔夠時間, 冇o黎到呢度~

o黎咗4日歐洲, 今晚間酒店(Astoria Betriebs AG)終於有Free WiFi啦!!! Yo-ho!!! 雖然... 只限Lobby同餐廳用到~

7:00PM上到房, 梳洗一下就上頂樓餐廳食晚餐~ 房內設施好OK, 最鐘意窗邊張貴妃椅, 好想擁有一張呀~

頂樓餐廳外面係酒吧, 裝飾得好古典呀, 好靚呀!!! Honey身後嘅石像原來係仿勝利女神像, 我地都係去完羅浮宮先知~

原來仲可以行上一層, 都係酒吧, 可以晀望琉森景致~

望住個咁靚嘅雪山飲酒, 未飲都醉啦, 你話係咪~


返酒店之前, 旅遊巴路經KUONI分店, 我地同領導講, 如果今餐唔好食, 就行去分店拆招牌, 嘩咔咔咔~ 結果當然係食得吓咁啦~ 好似係唯一一餐魚, Honey出發前落咗Remark話唔食魚, 所以呢餐得佢一個轉咗做PORK~

晚飯後領導好神勇, 帶晒我地出去行超級市場!!! 可能因為係大本營嘅關係, 即時化身地頭蟲, 4日以o黎首次有夜晚活動!!! 由酒店行到去琉森火車站大約係2-3個紅綠燈, 會路經KUONI分行~

琉森火車站~ 個車站冇閘口o架!!! 小心蕩失路上錯車呀你!!!


超市係琉森火車站地庫, 團友們瘋狂採購手信, 瑞士朱古力呀, 士糖呀, 特色意大利粉呀... 香港成廿幾卅十度, 買朱古力怕溶, 意大利粉係羅馬買咗, 瑞士糖啦喎, 係聽呢3個字已經笑唔聽, 點買呀... 所以我只係買咗1支飲品!!! 主要係比佢個咁靚嘅樽吸引... 點知... 好難飲呀!!! 吐吐吐!!! 藥水味呀!!!


購物後, 有d團友打道回府, 新婚一族就去琉森湖邊漫步, 我地呢d中游分子就去咗漫步卡佩爾橋~

星空下的卡佩爾橋(Kapellbrücke), 好迷人呀!!!

漫步教堂橋上, 詩意無限~

教堂橋側嘅建築物同樣迷人~


遊完教堂橋就返酒店休息啦~ 聽朝再繼續「琉森遊」~

想回顧3年前嘅回憶, 可以瀏覽德瑞"浪漫之路"2009 -- Lucerne~

西歐「文藝復興」2012 の 總匯 http://www.kenmerry.com/2012/08/2012.html