大除夕晚, 除咗食, 乜仲有更好嘅節目咩?!!
我係第3次嚟「香港華商銀行公會」食, 之前2次都係因為貪方便, 食完去「蝦佬喂」勁順路... 今次大除夕就冇咁方便啦, 因為封路封得勁過「蝦佬喂」好多, 離遠望兩眼蘭桂坊, 都未感受到大除夕嘅氣氛就要離開喇...
天氣都唔係好凍, 太古之友就著晒羽絨, 仲要羽絨外套+羽絨背心... 唔係呀嘛... 難為我著件中袖皮褸, 見到佢地即刻由個心度寒出嚟, 咦... 起晒雞皮添...
腊味糯米飯--一開波就一人隊一碗滿嘅, 我個胃即刻就比呢碗糯米飯KO咗... 味道都唔錯, 份量你地有眼見啦, 幾鬼大碟, 5個人食實在太多啦...
杏汁白肺湯--次次嚟都會飲, 雖然冇幾年前咁好飲, 不過仍然值得繼續飲...
八珍豆腐--點解我寫BLOG時睇番呢張相, 唔記得有食過呢一味嘅... 咁好味咩?!! 咁快食晒唔留D比我?!!
脆皮金沙雞(半隻)--果然係招牌菜, 皮脆肉嫩, 味道又OK...
南乳齋煲--味道OK, 份量十足...
古法羊腩煲--味道就一般啦, 份量就十足, 都幾抵食...
太古之友每次都必定必定要Order嘅甜品... 焗西米連蓉布丁 & 紅薑皮蛋酥!!!
紅薑皮蛋酥--食幾多次都咁美味!!! 紅薑同連蓉係出奇地夾o架!!! 加上熱辣辣, Yummy!!!
焗西米連蓉布丁--Yummy Yummy!!! 食完成身暖晒... 好滿足呀!!!
今日冇「蝦佬喂」咁多人, 坐返正常位置, 唔使再坐路口位, 即時覺得舒服晒... 服務員都好友善, 有傾有講... 個Toilet都正常番, 冇第一次咁恐怖...
食到飽到郁唔到, 仲要味道都服務都唔錯, 都只係150蚊, 實在係同通漲脫勾!!!
是次每人消費約$150元
味道： 3 環境： 3 服務： 4 衛生： 3 抵食： 4
###
地址 : 中環雲咸街1號南華大廈5樓
電話 : 2522 6692
沒有留言:
張貼留言