雅敍一堂 Lis Kitchen

2 October 2011, Sunday

連續食咗幾日點心, 今日唔想再食啦!!! 呢間雅敍一堂其實已經開咗幾年, 不過佢新開張時我地食過一次, 當時感覺唔係太好, 所以就再冇食過啦... 今日比多一次機會佢啦...

小店格局, 座位都OK寬敞... (上次我係坐廚房門口)

每日例湯--蘋果雪梨湯... 秋高氣爽, 開始乾燥, 飲呢個湯潤一潤啱晒... 個湯都煲得幾濃, 幾十蚊都有靚湯飲, 我地第時第可以多一個地方開餐啦...

太后雞餐--好香茶燻嘅味道, D雞煮得好入味, 得喎!!!

XO醬涼瓜炆斑腩--涼瓜好淋唔苦, 斑腩一D都唔腥, 個豉汁味道好濃, 加咗XO醬更香... 正!!!

餐飲--羅漢果茶... 嘩... 甜到漏!!! Honey話羅漢果本身係好甜, 佢仲落埋蜜棗同果皮, 清熱潤肺, 秋風起飲真係一流!!!

食物OK, 環境同服務都過得去, 仲有靚湯靚茶, 價錢都唔算貴, 以後又多一個飯堂開餐啦~

是次每人消費約$65元
味道： 4 環境： 3 服務： 3 衛生： 3 抵食： 4
###
地址 : 太古太古城衛星閣地下1008-1009號舖
電話 : 2967 0777