「自煮中秋」

12 September 2011, Monday

「自煮中秋」2人套餐
頭盤 : 煎鵝肝配蘋果片伴蜜糖黑醋汁
主菜 : 煎牛扒配露筍新薯伴黑椒汁
甜品 : 8星伴月

活咗幾十年, 今日係我人生第一次係中秋節親自下廚!!! 之前幾十年都係有人煮好晒等我返去食, 今年居然破天荒提早做節... 正日出街食, 肯定又多人又貴又趕又唔好味, 所以決定買餸返屋企自己煮...



呢鑵鵝肝係舊年去東歐旅行時買嘅, 再唔食就會過期, 一直擇唔到吉日開封, 今日終於有籍口開啦...

~ 呢HEA制作實錄 ~

先煎香蘋果片至金黃色... 然後煎鵝肝至金黃色... 再煮埋個黑醋汁加蜜糖...

由開鑵, 到煎, 到上碟, 我都覺得D鵝肝個樣勁似煎午餐肉囉, 唔知會唔會有BLOG友懷疑我用午餐肉扮鵝肝囉, 嘩咔咔咔...

先煮熟露筍同新薯... 然後煎牛扒... 再煮埋個黑椒汁...

大功告成!!!


 

雖然遲咗D... 不過我都祝大家中秋節快樂哦!!!