食完「鼎泰豐」同「The Chocolate Library」, 真係飽到上心口, 不過... 咁高興, 又點可以比佢停呢... 就算幾飽都好, 都一定要繼續踩落去... 仲要走埋蛋糕班嘅堂, 嘩咔咔咔...
金蒜粉絲蒸龍蝦--1斤左右, 好多肉, D肉仲好紮實, 配金蒜同豉油一流, D粉絲吸咗金蒜同豉油之後仲好惹味... "金蒜粉絲蒸"好過"芝士焗"好多, "芝士焗"焗完之後會蓋過晒D龍蝦味...
上湯雞絲生菜--因為太飽, 已經食唔落其他o野, 唯有清清地, 食D蔬菜清下腸胃啦...
佢有D龍蝦晚飯孖寶同三寶仲抵呀, 大大啖肉o架, 不過我地真係食唔落, 所以冇ORDER到, 下次要再o黎試下先得啦...
之前見好多人話佢晚飯出菜慢, 我地自己試過2次晚飯都覺得冇咩餸菜揀之餘速度又慢, 不過今晚膽粗粗再去食第3次, 終於對佢改觀... 速度同選擇都已經回復正常, 絕對食得過!!!
是次每人消費約$150元
味道： 4 環境： 4 服務： 4 衛生： 4 抵食： 4
###
地址 : 太古太古城道18號太古城中心三期1樓
電話 : 3691 9818
沒有留言:
張貼留言