尋日去開尖沙咀, 走咗去永安行咗陣, 忍唔住手買咗樽「新東陽黑豬肉鬆」...今日即刻身痕煲D白粥o黎撈豬肉鬆食... 跟住又膽粗粗買D豆角炒o黎送粥... 之後先發現網上D食譜係冇"齋"炒豆角... 頭痛咗一陣, 醒起有2條人地比嘅臘腸係冰櫃, 決定試吓用臘腸代替免治豬肉...
個食譜冇列明調味料嘅分量, 結果係我亂咁落嘅情況下, 味道竟然OK過之前跟足食譜調味料分量嘅作品, 不過D味太濃, 下次再整時要輕手D先得啦~
D臘腸比我起晒D肥膏先切粒, 雖然明知都仲好肥, 但係食果時真係食得興奮好多, 懶係冇咁肥咁... 自己呃自己, 哈哈...
因個人口味唔同，其實未必一定要跟足食譜所指調味份量。
回覆刪除[版主回覆07/05/2011 19:50:00]我初學嘛, 有得跟先知要落D咩嘛, 遲吓煮多一排先有資格自行決定落幾多份量...
臘腸起晒D肥膏先切粒﹐好多功夫啵~
回覆刪除[版主回覆07/05/2011 19:53:00]Mui, 多謝你嘅瀏覽同留言!!!
係攪咗好耐, 攪到一半都想放棄, 不過一見到D臘腸有一半都係肥膏, 真係頂唔緊...
起乜鬼丫，你蒸完再用乾鑊爆兩野啲油都出晒來啦，用廚房紙吸吓先回鑊咪得囉！ p.s.你咁唔想食臘腸，不如送晒俾我啦！wakaka~
回覆刪除[版主回覆07/14/2011 15:54:00]又幾好計喎, 等我下次試下...
P.S. 人地比咗一孖我, 我用咗一條, 而家得番一條, 比一條你好似好寒酸喎, 出唔到手~ 等過年果陣, 我問人拎多D先比你啦~
唔記得問你，一粒梅點分？你一啖佢一啖？！
回覆刪除[版主回覆07/14/2011 16:24:00]我自己食晒, 呵呵~