鳳凰木開花好靚呀!!!

5 June 2011, Saturday

近期發現香港好多地區D樹上面都開滿紅花, 原來係鳳凰木(Flame of the Forest)開花呀!!! 從來都唔知鳳凰木會開花o架... 因為平時見佢都係得綠葉...

鮮紅嘅花朵係綠葉嘅襯托之下, 再配埋藍天白雲, 真係好靚呀!!!

背景散焦模式拍攝效果 (Background Defocus)...

o黎多個Close up...

影相期間, 突然好大風, 花瓣隨風飛舞, 散落地上變成紅地毯, 美不勝收, 好浪漫呀~