24 June 2011, Friday
已經多年冇再放工趕去上課, 對我呢個老人家o黎講, 未免太辛苦啦~ 未上第一堂已經勁想逃學, 點解我會變成咁o架...
表面看不到問題嘅失敗制成品!!!
個CAKE未著衫前嘅照片... 有同學搽到D CREAM成呎厚, 唔知係佢貪心定佢鐘意食... 我就唔想咁肥所以搽小小就算...
去慣咗COUP KITCHEN學整蛋糕, 同工聯會相比之下, 即刻好似去開酒店HIGH TEA, 突然轉咗去東菇亭飲絲襪奶茶咁, 一下子完全適應唔到...
工聯會呢度, 廿幾人塞係一個類似茶樓嘅廚房入面, 好熱, 抖唔到氣, D冷氣仲不停滴水... 衛生程度成疑..
廿幾人得2個攪拌機, 仲要4個人一組攪一份粉, 阿SIR示範時打粉打到轟轟聲, 好似學校門口D鑽地工程咁嘈, 我係完完全全接受唔到, 佢簡直係教壞人!!!
到煎可麗餅時, 廿幾人得一個煎PAN, OH MY GOD!!!!!! 我簡直等到就o黎暈低!!!
(我係一個唔等得嘅人, 一等得耐就會悶到好眼瞓)
3小時嘅課程, 上課初時腦海有很多不滿, 到制成品接近完成時, 心理才調整成功, 感覺舒一口氣... 不過往後都一樣有機會隨時中途退學...
眼見阿SIR全程好落力, 唔係HEA教, 我都覺得唔可以將硬件嘅問題入埋佢數...
一份錢, 一份貨!!! 完成咗呢10堂嘅課程, 我都係要走番去COUP KITCHEN嘆住學整CAKE!!! COUP KITCHEN除咗一人有一份完整工具之餘, 阿SIR又夠PRO, 仲有大堆助手協助, 又有LOCKER擺手袋, 個CAKE仲鬼咁靚又好味, 環境又好, 簡直係服侍週到, 可能係咁, 將我地呢D學員寵壞咗...
註: COUP KITCHEN係包埋食物盒同環保袋, 工聯會就要自己帶食物盒同袋...
我又去學,不過我咁高貴當然去COUP KITCHEN
回覆刪除[版主回覆06/28/2011 23:11:00]等我上(逃)完呢10堂, 一齊去COUP KITCHEN~
Oh poor~
回覆刪除[版主回覆07/08/2011 23:03:00]今日再上, 感覺又冇咁差, 可能已經適應咗環境, 同埋D同學開始打招呼同交談~
請問呢度十堂要幾錢 ?
回覆刪除[版主回覆08/09/2011 23:11:00]Patricia, 謝謝你的瀏覽及留言!!!
西餅、蛋糕製作精選實習班(八)
全期10課，每課3小時, 全期1340元(包括實習材料費) 工聯會會員有9折~
仲有好多班揀, 你可以去佢網站睇睇 http://www.hkftustsc.org/chtm/c-i010.htm , 睇下有冇啱自己心水嘅蛋糕~
謝謝回覆 ! 雖然好平, 但咁多人去共同用一些器材, 好似唔係善用時間.
回覆刪除[版主回覆08/12/2011 22:56:00]You're welcome~
一分錢一分貨, 所以完咗呢個Course, 我會返翻去Coup Kitchen學~
一分錢一分貨. 但無論如何都要完成呢十堂呀, 因為比咗錢.
回覆刪除[版主回覆08/14/2011 19:53:00]冇錯!!!
不過我已經走咗一堂啦... 仲有一堂要走呢... 哈哈哈...
回覆刪除Blog 簡介：
有朝一日, 誓要轉行做飲食記者, 逃離果個唔值得留戀嘅行業...
介意說是那一行嗎 ? my email : patricia99911@yahoo.com.hk
[版主回覆08/14/2011 23:31:00]咪就係...................................................................... 秘密!!!
既是秘密, 便要好好收好呀 ! 我是這樣教小朋友的.
回覆刪除[版主回覆08/15/2011 23:30:00]我會將呢個秘密慢慢忘記, 咁呢個世界上就唔會再有人知道...