上星期已經同媽打預先慶祝咗母親節, 奶奶果邊又未齊人, 要下星期先可以慶祝... 所以... 我地今日係兩支冷好似平時咁過日子... 之但係... 咁大嘅日子, 同人爭位食飯??? 邊夠人爭呀!!! 好彩... 尋晚路過西苑, 順個便問一問今朝仲有冇得BOOK位... 噢... 竟然仲有, GOOD!!!
今朝晨咁早起身搭車去工聯會報名... 頂... 原來下個星期日先係報名日... "火羅"到爆!!!
晨早行完個大運, 實在仲太早, 搭車返歸睇多陣電視先再落西苑... BOOK咗10:30, 10:45先去到西苑, 門口勁多人等緊位, 我入到去, 個口都未打開, 已經可以有枱直入喇!!! HONEY問"你幾時變咗做VIP???"... 呵呵呵... 我自己都唔知喎!!!
平時12點前埋單"頂大中小"點一律"小"點計, 我地諗住今日母親節喎, 咁大日子, 大把客等住比錢佢賺, 點使做呢個優惠呀!!! 埋單時睇一睇, 嘩, 竟然依然好似平日咁, 12點前埋單"頂大中小"點一律"小"點計, 童叟無欺, 筍呀!!!
XO醬炒年糕--必吃!!! 惹味之選!!!
韮菜餃--好味!!!
杞子黃沙豬膶腸--好味!!!
奶皇馬拉卷--好味!!!
木桶豆腐花--必吃!!! 滑一滑!!! 上次黎食, 食晒都唔記得影相, 呵呵...
飲茶良伴... iPad!!! 邊嘆免費報紙, 邊嘆點心, 人生一樂也!!!
是次每人消費約$90元
味道： 4 環境： 4 服務： 4 衛生： 4 抵食： 4
###
地址 : 側魚涌太古城中心二期二樓208號
電話 : 2885-4478
沒有留言:
張貼留言