銀杏館 Gingko House

11 May 2011, Wednesday

今晚係五月之星舉辦壽宴嘅大日子, 下午同貓兄玩「忙裡偷閒」, 一齊請半日假去Art Jam吓... 偷閒前仲不忘偷食... 嘩咔咔咔...

搵咗幾間近Art Jam畫廊嘅餐廳, 銀杏館屬首選!!!

我地去到銀杏館都已經2點, 餐廳內空無一人, 行埋門口想推開度門, D銀杏職員揮晒手好似SAY NO咁... 攪咗一輪, 原來係仲有得食嘅, 哈哈, 真係一個好大嘅誤會...

一人o黎一客Set Lunch...

精選餐湯--什菜湯, 好多菇... 貓兄就讚, 我就怕怕... 麵包條係原味, 如果有蒜蓉味或者芝麻味會啱我食多D...

新鮮有機沙律--D材料真係好新鮮, 唔係講笑... 用有機橄欖油同意大利陳醋做Salad Dressings, "合晒河車"...

法國煙鴨胸有機茄茸芝士薄餅--好好味呀~ 勁多鴨胸, 好香, 佢D茄茸同芝士分量好平均, 互相配合, 好MATCH, 唔係一味得大堆茄茸酸死你為止果隻... 份量仲超大, 我食咗5件, 迫貓兄幫我食咗3件, 超飽呀~

香煎紅鯛魚柳伴水煮蔬菜佐無花果陳醋汁--黐咗貓兄一粒貌似魚蛋, 口感似木薯嘅不明物體...

伯爵紅茶--食飽飽嘆番杯檸檬茶消滯, 好梳肝...

銀杏職員比後生仔工作得更認真, 更貼心, 最窩心係佢地會觀察我地仲有幾耐會食完D沙律, 通知廚房5分鐘後上主菜... 效率一D都唔輸蝕, 又有禮貌, 仲會同客人打吓牙骹... 大家要多多幫襯, 以示鼓勵...

~~~ 銀杏館小檔案 ~~~

一家專門聘請長者工作的餐廳, 3家分店, 合共聘用了近60位60歲或以上的長者工作, 當待應及管理日常營運, 讓尚有工作能力而唔想退休嘅長者可以有工作機會!!!

自設【樂活有機農莊】供應有機蔬菜及有機食品, 並選用公平貿易產品, 絶對天然健康, 無味精, 無激素!!!

被獲選為2007年「匯豐營商新動力獎勵計劃」鑽石大獎得主!!!

是次每人消費約$115元
味道： 4 環境： 4 服務：4 衛生： 4 抵食： 4
###
地址 : 中環歌賦街44號地下
電話 : 2545 1200