好耐之前去 「中意仿 Borgo C」食過黑醋蕃茄茄子, 好好味, 一直想試下自己整, 經過唔知幾多年之後, 忽然的起心肝上網搵食譜, 竟然都比我搵到, 好o野!!!早2日整過一次, 今日再整就正常好多, 但係可以更更更好... 始終... 廚藝都係需要經過日子嘅磨練先可以成功嘅...
豉汁蒸排骨呢D家家戶戶都食到嫌嘅家常菜, 都我o黎講都係一個需要勇氣去跨過嘅山峰... 今日... 輕易成功, 好好味, YEAH!!!
呢個蒸白飯剩係睇樣都覺得硬, 同埋份量預錯咗, 蒸完得好小, 比人睇到唔知嘅話可能以為我地經濟方面出現問題添, 哈哈...
今日踏出咗人生重要嘅一步, 希望我D熱度唔好又維持得3分鐘咁小啦~
P.S. 極需要添置一大堆煮食用具, 一學人煮飯竟發現個廚房D用具好唔掂, 要咩冇咩!!!
支持呀！Honey愛屎你！
回覆刪除[版主回覆05/07/2011 08:58:00]多謝支持!!! 多謝支持!!!
(唸起少林足球, 頭兩場波比清潔阿嬸鬧"咪嘈啦!!!" )
加油啦！ p.s. 點解你完全無提過好唔好食既？~
回覆刪除[版主回覆05/26/2011 11:43:00]多謝支持!!! 多謝支持!!!
P.S. 唔提... 咪等於... 唔好食囉!!! 嘩咔咔咔咔... (蒸排骨係OK架, 因為D醬係現成係超市買)
就算唔好味都講吓嘛，等啲煮婦教吓你，幫你改善吓，我又有得八吓！
回覆刪除[版主回覆05/26/2011 12:25:00]好, 等我下星期再試煮新菜式, 好唔好食再通知大家~
(呵呵... 第一次煮多數都唔好食, 因為仲未掌握到調味料嘅比例, 盲目跟隨網上食譜嘅比例)
咁你揀啲勁簡單既咪得囉！調味料份量跟食譜應該唔差好多，我反而係驚寫食譜既人用啲勁好既料，我屋企得代用品就真係出事喇！例如：米醋、胡椒粉、蒜頭、薑…
回覆刪除[版主回覆05/26/2011 21:14:00]係啦係啦... 我懷疑"寫食譜既人"用啲好靚嘅豉油, 所以落多D都冇壞...
我果支豉油係贈品, 我懷疑佢係勁鹹+唔香, 所以D餸出到黎又黑蚊蚊又鹹又唔香又唔鮮...
"我果支豉油係贈品, 我懷疑佢係勁鹹+唔香, 所以D餸出到黎又黑蚊蚊又鹹又唔香又唔鮮..."
回覆刪除贈品通常都係最正既產品用來promotion，應該唔會點出事。 煮到黑蚊蚊 <--減少老抽份量 鹹就減鹽 <--你有無用認真用有刻度既茶匙/湯匙？ 唔香唔鮮 <--熱辣辣時一定香噴噴架，唔鮮因為你唔係去街市買！ 查實我煮咁耐都係試過一次有"鮮"既感覺，因為烚海蝦，其他食物我零發現！
[版主回覆05/28/2011 00:54:00]我屋企冇老抽呀...
我買咗IKEA成SET既量匙, 就係覺得佢個TEASPOON好似過大...