Easter假期本應喪玩喪食冇黐家, 可惜病足十幾日, 今朝仲要睇多一次醫生, 真係邊樹都唔使去!!! >~<
近近地, 去西苑飲茶消消氣!!! (睇醫生睇到一肚氣)
原來12點前埋單"頂大中小"點一律"小"點計, 所以忽然好多人埋單, 令到我地可以好快有位...
XO醬炒年糕 -- 好辣呀!!! 不過XO醬炒年糕係要咁先好味, 最怕有D茶樓係炒年糕同XO醬分開上...
黃沙豬膶燒賣 -- 必食!!! 好味!!! 一定唔係工場貨色, 因為粒粒嘅形狀都唔同...
韮菜餃 -- 好味!!! 以前唔鐘意食韮菜, 自從有一次係公司附近食過一間水餃店嘅招牌韮菜餃, 從此愛上...
菜心排骨粥 -- 都好味!!!
基本上每次去西苑都覺得佢D o野好味, 不過唔可以食太密, 以免生厭...
呀... 臨尾仲食咗個滑一滑嘅豆腐花, 不過唔記得影相...
是次每人消費約$110元
味道： 4 環境： 4 服務： 4 衛生： 4 抵食： 4
###
地址 : 側魚涌太古城中心二期二樓208號
電話 : 2885-4478
乜點都變小點，你下次就早啲去食啦！
回覆刪除p.s.又要話你…身體弱雞時唔好食豬潤，好多菌架！忍一忍好返晒先食啦！
[版主回覆04/26/2011 10:59:00]我試過一次10:20AM去, 佢原來星期六開10:30AM, 攪到同D公公婆婆一齊係門口排米咁...
OH... 世衛今年列咗豬潤做最有營養小食, 我先膽粗粗食多D咋... 下次唔敢啦!!!
豬潤係小食？！wakakakak世界變！ 身體正常時食唔使驚啦，反正唔係熟到透晒你都唔食！ 我就要驚啲喇，厚身剛剛熟，仲有啲粉紅至正！ 不過而家啲人唔敢咁生俾客食，要我食啲老到鞋晒，我情願食少啲lu~
回覆刪除[版主回覆04/26/2011 11:20:00]好似話分唔到類, 唯有放落小食類, 我都覺得好怪, 格格不入咁, 哈哈!!!
我鐘意食鞋晒, 呵呵~