31 March 2011, Thursday
今天的拉力早敍餐, 選址上一次食過番尋味嘅和光!!!
今次食8:15-10:15PM時段, 價錢貴了, 食物差了, 座位迫了, SERVICE少了... 難為我們為咗食佢, 挨咗一個鐘頭餓!!!
跟人頭送的刺身... 冇咩特別...
跟人頭送的肉眼扒... 不錯...
係現場都分唔清邊碟打邊碟, 總之通通都是牛...
牛胸腹仲未解凍好, 夾起成舊冰咁...
燒京蔥好好味架...
你地睇, D生蠔縮水咗幾多!!!!!! 而且ORDER第2轉時, 竟然話SOLD OUT!!!!!! 唔係呀嘛!!!!!! 一人食得一粒生蠔??? 呢D算咩放題呀???
之後我大大聲話"咁咪仲好, D蠔咁細粒仲要燒咁耐, D時間拎o黎燒牛, 食咗十幾轉啦, 食多D牛咪仲回本"...
講咗唔夠幾分鐘, D侍應竟然無啦啦又拎碟生蠔出o黎比我地, 話又有貨喎...
大家o黎評下理喇... 點解原本冇晒貨, 又會忽然有貨... 太離譜!!!
D帶子OK大隻啦... 不過都係食咗一轉咋...
其他肉類同魚類好一般... 蝦反而OK...
粟米好味, 沙律都OK, 餃子出奇地好味... 烏冬汁冇味嘅...
天婦羅都OK架, 蕃薯天婦羅最好味...
座位迫到冇人有... 侍應亦無暇收碟... 總之一句講晒, 就係唔抵啦!!!
是次每人消費約$230元
味道：3；環境：2；服務：1；衛生：4；抵食：2
###
地址 : 銅鑼灣軒尼詩道502號黃金廣場9樓
電話 : 2895 6668/2895 6608
我想食鐵板燒放題呀,搵第二間有無興趣呢？
回覆刪除[版主回覆04/15/2011 10:32:00]點會冇興趣, 不過尋日先岩岩睇完醫生, 感冒+發燒+咳, 要休養一排先可以再奉陪囉~
睇個樣啲牛都好得丫，為咩話唔抵，只係服務差咗啲啫！
回覆刪除[版主回覆04/26/2011 10:45:00]牛係得架, 不過解唔切凍!!!
唔抵係D蠔縮晒水仲要得一ROUND!!! (我既回本偉論一出先比多一ROUND我地)
又唔可以咁講既… (我唔係食蠔人！) 佢啲蠔咁細，你食多多都未必夠食牛咁易回本啦！ 另外，唔好怪侍應生，佢地都係聽廚房柯打辦事。 可能因為蠔太細唔夠靚，廚師先唔service俾客人，打算留返來做熟食or湯，原本想為餐廳聲望著想，估唔到換來俾你投訴搵笨，所以咪照俾你柯打囉！(希望呢個係真相啦！哈！)
回覆刪除[版主回覆04/26/2011 11:48:00]我都唔係食蠔人, 只係覺得你做得放題, 冇可能咁樣囉!!!