太平館餐廳 Tai Ping Koon Restaurant

21 April 2011, Thursday

今晚約咗2個舊同學仔, 佢地果樣依然好似17歲咁, 利害!!! 好耐好耐冇同佢地一齊食飯啦, 好似有成3-4年, 自從佢地嫁咗人之後, 都好難約...

自從日本311事件之後, 都好想見下D老友, 聯繫吓, 全靠呢個方便嘅FACEBOOK, 一約即成, COOL~

由於唔知用咩名BOOK位, 又唔知有冇BOOK位, 入到餐廳見到個格局, 覺得似冇BOOK位, 因為冇4人枱有RESERVED牌, 最後被安排坐卡位!!! 到毛仔o黎到時, 原來佢都有同一疑問, 哈哈... 我地真係好o野, 有疑問都唔會開口問清楚!!! 到IN小姐到來, 就確定佢冇BOOK位... 好彩我地約6點半食咋, 7點已經FULL HOUSE!!!

熱檸蜜 -- 咳到甩肺, 唔敢飲凍o野, 食咗抗生素, 又唔敢飲茶同咖啡, 係毛仔嘅建議下, 飲番杯熱檸蜜... 甜到漏, 實在過甜!!! 好彩食飯時冇咳, 如果唔係, 傳染D老友就唔好啦!!!

瑞士汁炒牛河 -- 招牌菜, 用誤解作SWISS嘅SWEET SWEET汁伴牛河, 牛肉好淋, D河粉初時都幾好味, 食到一半開始凍, 黐埋一堆, 好難夾, 所以食剩3份1...

瑞士雞翼... 招牌菜, 用誤解作SWISS嘅SWEET SWEET汁卥... 食極都有嘅... 原來有8隻咁多... 甜甜地, 好入味, 又大隻, YUMMY!!!

廚師沙律 -- 好多料o架... 都幾好味... 食咗一大半, 佢地先話我冇影相, 我都半信半疑, CHECK番部相機, 又真係喎, 點解佢地仲清楚過我嘅呢, 哈哈...

梳乎里 -- WOW... 大過個頭嘅梳乎里!!! 唔係特技效果o黎架... 比我地影完一輪相之後扁晒, 哈哈~ 味道淡淡地, 口感界乎棉花糖同咖啡泡中間...

太耐冇見啦, 大家都談下近況咁啦, 真係好開心, 特意請侍應幫我地影張合照... 可能隔離枱位客人覺得位侍應已接近退休年齡(或者已經過咗退休年齡), 擔心佢影得唔好, 所以自動請纓幫我地影, 一影就影咗幾張(2部相機輪住), 真係唔好意思啦, 感激感激~

多謝毛仔的曲奇!!! D包裝真係好HOMEMADE FEEL, 哈哈~ 可惜我而家咳到甩肺, 要遲D先可以享用啦~

是次每人消費約$195元
味道： 3 環境： 3 服務： 3 衛生： 3 抵食： 3
###
地址 : 佐敦茂林街19-21號地下(近佐敦鐵路站B2出口)
電話 : 2384 3385/2384 1703