八月芳 Xi Yue (差差差差)

1 February 2011, Tuesday

停BLOG一週, 皆因病咗成個禮拜... 所有同過年有關嘅準備功夫, 一切仍然維持係零...

到咗年廿九, 請咗半日假大掃除... 開工前, 當然要餵飽自己先啦...

呢間八月芳, 開業至今, 一直FULL BOOKING, 我地呢D玩即興嘅人, 次次都掃興而回... 今日都唔例外... 不過佢話12:30PM前還到枱比佢嘅話, 就比我地入去... 入座後... 越坐越後悔入咗去...

全間餐廳得一張2人枱, 係TOILET門口條通道加開嘅... D侍應不停拖D櫈出黎, 叠高十幾張, 每次都響我地'後腦怎'CHOK到搖搖晃晃, 因為係地鎛地拉上地毯中間有條鋼條, 前前後後搬咗幾次, 每次都睇到驚心動魄, 好驚比佢'擇'死...

全間餐廳得2枱客, 十幾廿個侍應, 揮晒手都冇人幫你落單, 幾經辛苦攔住一個服務員, 問佢有冇商務套餐嘅MENU, 佢把金口好矜貴, 開都唔開, 指住張6人/12人賀年餐牌就走咗去, 我地得2個人咋, 點食呀???

餐具睇落好正, 可惜筷子D金屬好'界'手, NO GOOD...

條氣已經CHOK到咩咁, 點知D食物嘅味道先最令人失望...

鳥籠點心, 個賣相都過得去, D味道真係...

三菇六耳餃--個樣個噁心, 加上係菇, 隊比HONEY食...
蝦餃--一個字, 鹹!!! 完全食唔出有蝦餃味!!!
燒賣--除咗鹹之外, 竟然同蝦餃一樣味, 好得人驚呀!!!

南瓜千層糕--冇南瓜味, 一舊冇味千層糕!!!
燕窩蛋撻--D燕窩黑蚊蚊咁, 要了走好多先敢放落口...
蘿蔔絲酥角--蘿蔔好夠味, 可惜, 一出場反晒肚, 係一間高級餐廳入面發生, 我接受唔到囉...

擔擔麵--難以置信咁稀同埋冇味, 仲要D麵係痴埋一團咁上, 成個猴子腦咁, 見到都想嘔...

服務差, 環境差, 味道差, 竟然收我地211蚊, 有冇搞錯!!! 難為HONEY諗住就過年, 想同我食餐好嘅LUNCH, 比呢間八月芳咩興都掃晒!!!

一句到尾, 冇下次!!!

是次每人消費約$106元
味道： 1 環境： 1 服務：1 衛生： 3 抵食： 1
###
地址 : 鰂魚涌英皇道979號太古坊康橋大廈1樓
電話 : 2284 4868