雅廊咖啡室 Café Allegro

5 February 2011, Saturday (年初三)

大年初三, 我姐姐有張'百老會'派嘅6折COUPON, 所以一行19人就去咗富豪九龍酒店嘅雅廊咖啡室食下午茶BUFFET...

由於我小病初癒, 所以都唔敢食咁多野...

芝士款式唔多, 味道... 可以啦...

蛋糕選擇不多... 味道... 可以啦...

熱盤都係冇咩選擇, 根據我妹妹嘅忠告, 只有以下幾款先好拎...

妹妹話D米線咬唔斷... 中午同北京回來過年嘅朋友飲茶, 佢啱啱講開國內有D用RECYCLE PLASTIC整嘅米粉係咬唔斷嘅... 嘩, 呢碗唔會就係傳聞中嘅米粉呀嘛...

負責煮麵嘅小妹妹, 一個人要睇3個檔口(淥面, 整PANCAKE, 切羊扒), 仲要自己入廚房攞碗... 眼見其他人遊手好閒, 無所事事, 真係替呢位小妹妹不值...

呢間餐廳最可怕之處係, D餐牌同食物係唔MATCH嘅... 明明係朱古子薄荷CAKE, 但係SHOW芒果芝士餅... (註: 全場都冇芒果芝士餅)

明明係綠茶CAKE, 但係SHOW栗子蛋糕... (註: 全場都冇栗子蛋糕)

明明係炒飯, 竟然SHOW古法蒸魚... (註: 全場都冇古法蒸魚)

呢個最離譜, 明明係花生糊, 竟然SHOW雪梨雪耳糖水... (註: 全場都冇雪梨雪耳糖水)

究竟呢間餐廳D人知唔知呢個世界有樣野叫"食物敏感"??? 佢地到底知唔知, 有D人食咗花生會導致過敏性休克??? 如果放錯左右位置都仲可以原諒, 但係佢地係亂放, 實在太太太離譜!!!

仲要好多盤都係吉嘅, 究竟係未拎出黎??? 定係下午茶BUFFET唔會PROVIDE???

雪糕車CLOSED...

生果比人拎晒又唔REFILL...

食物選擇小, 味道又難食, 服務員又唔收碟, 唔怪得間餐廳吉到咁...

結論 : 冇下次!!! 真係'鄧'貓兄好彩, 佢之前講過好多次想試呢間, 好彩佢一直都約唔成...

是次每人消費約$114元
味道：1；環境：3；服務：2；衛生：3；抵食：3
###
地址 : 尖沙咀麼地道71號富豪九龍酒店地庫1樓
電話 : 2313 8718