倚窗閣 The Window Cafe

20 November 2010, Saturday

自從前年聖誕食咗佢嘅晚餐BUFFET麻麻地之後, 都唔想再去...

不過今次佢做PROMOTION, 6 歲以下小童可免費享用自助餐 (每位成人可攜同一位), 咁鑽媽可以帶埋鑽鑽去, KaKa媽又可以帶埋KaKa去, '蝕D' Bank 信用卡 又有 8 折優惠, 網上預訂自助午餐仲每位客人贈送果汁一杯... 嘩... 好抵啫... 所以十一月之星毫不猶豫就決定去呢度, 當然, 我都唔會反對啦...

我早咗5分鐘到, 班友仔全部遲到...  根據上次係九龍酒店要等足1小時先有得食嘅黑暗經歷, 我今次決定放低JACKET, 帶埋BAG出去拎o野食...

冷盤好新鮮喎... 紐西蘭青口好肥美, 美國青口重海水味, 煙三文魚都好OK...

日式食品就麻麻地... 烏冬好硬, 豆腐冇豆味... 三文魚刺身其貌不揚...

熱盤合格啦...

燒烤區的伴菜--菠菜爙蕃茄正爆...

咖哩雞勁辣, 咖哩豬啱啱好, 唔太辣又有咖哩味, 最正係酥油餅, 配芒果醬一流...

甜品款式多得緊要... 我最鐘意係杞子桂花糕, 清香甜美... 窩夫軟軟地, 啱晒我, 最怕硬過石頭...

梳乎李...

木糠布甸我食時已經開始溶, 但鑽媽激讚...

全餐最精彩位... 超甜超多汁菠蘿, D汁多到沿住隻叉留落隻手再留落枱面... 超足味日式雪糕, 芝麻香濃, 紅豆大大粒又夠味, 豆腐清香, 如果唔係飽到上頸, 我起碼要食多3碗...

最後食咗碗生滾豬潤廋肉粥做ENDING, PERFECT!!!

實在太多選擇, 樣樣食小小都已經食唔落, 仲有平時必吃嘅芝士, 湯, 麵包, 全部都食唔落, 仲有BBQ, 燒味... 數之不盡...

有小朋友嘅朋友, 呢個BUFFET絕對超值!!!

是次每人消費約$205元
味道： 3 環境： 3 服務：3 衛生： 3 抵食： 3
###
地址 : 尖沙咀彌敦道19-21號九龍酒店2樓
電話 : 2734 3803