富臨粵之味 Foo Lum

27 November 2010, Saturday

十一月之星壽宴假座於旺角富臨, 眾人踴躍參與, 8大3小, 聚首一堂...

痕身卡有大閘蟹套餐$888(6位用)... 不過侍應不斷命令我地食$2588嘅12人餐, 邊食得晒呀... 之後又命令我地食盤菜, 同佢講幾十次唔食, 佢都當聽唔到, 不停REPEAT... 當然最後佢都唔會成功...

我地ORDER咗痕身卡大閘蟹6位套餐, 又驚佢D餐嘅餸好細碟, 又再加3個餸... 結果係勁大碟, 差D食唔晒...

薑汁酒芥蘭--好味, 不過份量太小...

腊味炒菠菜--腊味完全冇味...

乳豬拼盤--乳豬都幾好味...

(餐)蟹肉竹笙燴燕窩--冇味, 倒得落垃圾桶...

(餐)清蒸大閘蟹(6隻)--SIZE唔算大, 但好多膏...

(餐)奉送啤酒2支+健康飲品1渣--我地揀咗要酸梅湯+竹蔗水...

(餐)碧綠翠蝦球--尚可...

(餐)清蒸海青斑(1斤半)--味道OK...

(餐)極品燒鵝皇(半隻)--唔香唔脆皮...

(餐)雙冬黑草羊煲--羊腩好淋但完全冇羊味...

(餐)生炒糯米飯--濕濕地易入口... 不過都係冇味...

(餐)合時鮮果...

(餐)精美甜品--冇晒糖水, 補上杞子桂花糕, 仲好...

(散叫)壽包--YUMMY...

D枱放到櫈貼櫈, 仲要明明果條係上菜通道, 都櫈貼櫈, 我地唯有自發坐貼D, 等坐正上菜通道嘅朋友冇咁慘...

D侍應越叫越走, 叫10個9個都唔會幫你跟野...

女廁污穢過公廁, 地下鋪晒紙皮, 濕淋淋, 嘔...

後面枱嘈到拆天, 勁過大聲公, 我地隔2個位都完全聽唔到對方講咩, 個衰人明知BB要瞓教喊緊, 仲大大聲話"呢度係茶樓, 唔係屋企, 緊係嘈架啦", 我真係想拎起壺酸梅湯爆佢樽, 呢D人, 唔X都冇用, 自己都一家大細三代同堂, 真係唔知會教咗D咩下一代出黎... 佢地一走咗, 全間酒樓即時變得冇咁嘈, 我都要搵醫生幫我CHECK下個耳膜有冇爆到...

今餐野又唔係好食, 仲要遇正D咁嘅衰人, 真係貼錢買難受...

是次每人消費約$175元
味道： 2 環境： 1 服務：1 衛生： 1 抵食： 3
###
地址 : 旺角彌敦道625號雅蘭中心二期1樓
電話 : 2148 2188