17 August 2010, Tuesday
放工後行到太古坊時, 突然勁大雨, 倒水咁, 有2把遮都攪唔掂... 原定去王家沙嘅計劃要取消, 轉移去最近而又唔使淋雨嘅餐廳...
自從翡翠拉麵小籠包執咗之後, 新開呢間上海菜只食過一次, 原因係價錢貴咗+坐位迫咗+味道差咗...
今日太早入去, 6點鬆D, 所以仲有卡位, 原先被安排坐果D迫過快餐店嘅枱, 係我堅持要坐卡位嘅情況下, 竟然真係比我成功咗...
而家仲推出咗$148二人餐, 有頭盆(6選1), 有靚湯(2選1), 有點心(6選1), 有小菜(16選1)...
雞絲粉皮--味道OK!!!
雲吞雞湯--味道OK!!!
鮮肉鍋貼--又得喎...
糖醋雞球--都得啫...
另加擔擔麵--又話小辣, 我覺得好辣囉, 同埋點解酸酸地嘅???
今日可能太大雨, 客人唔多, 經理的服務相當好, 走果時仲叫我地以後記得多D再o黎幫襯...
食完呢餐, 令我改觀, 價錢&坐位&味道都好轉咗... 可以再吃!!!
是次每人消費約$105元
味道： 3 環境： 3 服務： 3 衛生： 3 抵食： 4
###
地址 : 太古太古城寶安閣地下G510-511舖
電話 : 2568 9989
沒有留言:
張貼留言