23 July 2010, Friday
今年又收到書展的VIP飛, 所以約埋一眾好友--貓兄, DD, 無敵一齊去書展... 我臨熄機走人時貓兄先玩放飛機, 可惡...
同無敵去麥當當醫肚, 然後會合DD進場... 期間障礙重重...
首先... 無敵話佢係麥當當坐低咗, 我唸都唔唸就衝咗去駱克道151號2樓, 因為我淨係食過呢間, 點知佢原來係柯布連道2號地下, 激死, 唯有趕返過去電腦城啦, 難得佢咁勁搵到位...
之後... 我地食飽飽, DD亦放工行過o黎會合, 我地叫佢係駱克道麥當當等, 佢竟然去咗港灣道30號新鴻基中心地下, Oh My God!!! 搞咩呀我地... 3個人心裡面嘅麥當當竟然完全唔同嘅...
6:26PM -- 已經買咗「我的低能湊B之道」, Call下Honey爹兩句, 佢提我記得影相... 現場OK多人, 但未至於完全郁唔到, 可以舒舒服服咁慢慢掀書...
7:10PM -- 呢個BOOTH有作者嘅簽名會, 聚集咗好多人, 不過... 我都唔識呢幾個作者...
7:48PM -- 有王貽興同黃毓民簽緊名, 我竟然揀影黃毓民, 哈哈哈哈, 我自己都估自己唔到... 返o黎睇相先發現裇衫四眼先生誤會我影佢, 企定定擺晒POSE, 查實我都唔識佢...
行到8PM就去3樓搵埋無敵鬆人... 我嘅戰利品有新出的「我的低能湊B之道」同埋 「烤焦麵包的沖繩旅行日記」, 之後1日已經刨完, 咁快就睇晒, 有D失落, 早知就買多幾本書...
Honey約咗太古之友食完晚飯先入場, 佢買咗1本相片編修嘅書, 佢話要認住有CAPA Logo先好買喎...
題外話: -
行完書展, 太早, 未夠鐘食甜品/宵夜Buffet, 大家對腳都已經行到半跛, 路過瑞安中心見有Delifrance, 就走入去... 我用咗44蚊買咗大檸茶同Tiramisu, 好可憐地, 食咗一啖, 再叉到個蛋糕度時, 因為個蛋糕太乾硬, 我就發力... 點知... 個碟好似滑水台咁, 成舊Cake飛落我件白色衫再飛落地... 嗚嗚嗚嗚...
嘩哈哈哈~~~笑死我喇~~~
回覆刪除p.s.請解釋埋咩係CAPA丫唔該！
[版主回覆07/27/2010 15:52:00]日文攝影雜誌CAPA http://capacamera.net/ 介紹日本攝影雜誌絕對不能錯過這本『CAPA』，日本 CAPA 歷史悠久，早在十幾年前傳統相機風行的時代就極具知名度，可說是相當長春的攝影雜誌。綜觀CAPA 漫長的歷史，比起其他曇花一現的同類型雜誌，CAPA可以說傾全出版社之力造就了日本兩位當代非常優秀的相機評論家：『西平英生』與『竹內敏信』。 《CAPA》攝影雜誌以權威、科學、細緻的器材評測著稱，並培養了一支在國際攝影界享有盛譽的專欄作者和編輯隊伍，攝影圈內的“教父級”器材評測大師西平英生和攝影大師竹內敏信均位列其中，《CAPA》連續十餘年對他們的專業評測和拍攝體驗進行刊載，深受廣大攝影愛好者的好評。由於兼具專業性和實用性，20多年來《CAPA》一直是日本銷量第一的專業攝影雜誌，已經成為攝影愛好者們每月期待的“攝影器材聖經”，廣受日本，乃至世界各地攝影愛好者們的熱烈追捧。 http://www.digital.idv.tw/DIGITAL/newuser/Books/MAZ/CAPA/CAPA.htm