風雨中漫遊東歐2010 の 捷克篇 II (布拉格)

~~~~~~~~~~~~~~~~~ Day 5 ~~~~~~~~~~~~~~~~~~

Prague, Czech Republic

 [5°C 升至 9°C]

布拉格小檔案

位於捷克共和國(簡稱捷克)的布拉格, 是捷克的首都和最大的城市，位於中波希米亞洲、伏爾塔瓦河流域。布拉格城堡是一座歐洲歷史名城,始建於公元9世紀, 亦是著名的旅游城市, 號稱歐洲最美麗的城市之一, 舊城區中心已被聯合國教科文組織列入世界遺產(UNESCO World Heritage)。

我地離開古姆洛夫時, 又落雨... 之但係... 上咗巴士就咁好天... 唉... 唔通連個天都唔鐘意我???

坐咗差不多4個鐘頭巴士先去到布拉格, 仲要係崎嶇不平嘅山路, 就算靠係大肚同事手上搶番o黎嘅話梅都頂唔住... 接近嘔得出嘅階段...

午餐@uCISARu--好難食嘅午餐!!! D魚好腥!!! 薯仔白烚啱晒我!!!

甜品又係Apple Pie... 係肚餓嘅情況下食, 味道都OK...

D位都幾迫, 肥D都坐唔入...

餐廳嘅擺設極有心思!!!

到達布拉格城堡!!!

任影唔郁士兵, 哈哈...

好大風呀!!! 吹到個頭好痛呀!!!

布拉格縮影...

進入布拉格城堡!!!

D風越吹越大, 見到有阿姨級團友用頸巾包住個頭, 我初時都覺得佢咁做好怪相... 之但係... 個頭真係越o黎越痛, D風可以用"狠級"o黎形容, 內心爭扎咗一段時間, 終於冇辦法... 唯有不顧儀容, 包埋一份!!! 仲要比導遊笑我係阿蓋X, 偷偷入侵布拉格城堡...

特襲布拉格城堡!!! (真係吹到頭都爆, 想死)
呢張相都可算係我係BLOG入面嘅第1張真面目相片, 冇打格仔, 冇貼熊貓... 呵呵...

城堡內的打鐵匠...

布拉格縮影...

從城牆孔中望到的布拉格...

步行至布拉格查理斯大橋, 睇得出導遊Eric開始好緊張, 提高警戒, 由地陪Wendy帶頭, 導遊Eric包尾...

２００２年８月１４日曾經水浸到呢個水位，所以特別立下紀念牌!!! 身後係地陪Wendy小姐講解歷史中...

查理斯大橋上擺滿藝術攤檔...

從查理斯大橋遠眺城堡山...

好多銅像都話摸咗佢之後, 會帶D Luck返屋企...

查理斯大橋兩岸風光

阿蓋X又出現!!! 不過地陪Wendy小姐笑到合唔埋口咁話我係矇面超人, 哈哈哈哈...

布拉格大學--歐洲最古老大學, 創校4位院長都係女性!!!

地陪Wendy小姐講解歷史中... 佢特別強調成立呢所大學嘅查理四世(最頂)好似周潤發... 唔係講笑, 真係有9成似o架, 哈哈...

繼續步行往舊城區中心... 欣賞天文古鐘嘅表演... 表演完果時塔頂會有人著古裝吹喇叭, 我剩係唸起喇叭牌廣告, 哈哈...

好靚呀架馬車...

好搞笑呀個八爪魚單車...

舊城區中心...

導遊話, 歐洲冇得講價, 我知吖... 之但係... 我地係跳蚤市場望住呢間店舖, 問下天文鐘擺設咩價錢, 阿西人佢用國語講咗句"LI姣", 就開價300克朗(約港幣150), 見我地冇反應, 即刻減至250克朗, 我地繼續冇反應, 又再減至200克朗, 到我地掉頭走, 竟然減到150克朗!!! 所以如果大家想買一D唔係明碼實價嘅o野的話, 真係要小心D啦!!!

開始食食食... 呢個熱狗機好似上過千奇百趣香港地...

繼續食食食... 呢個麵包暖暖地, 外脆內軟, 甜甜地, 好好味呀...

依然食食食... 個雪糕好好味, 唔太Creamy... 最開心係今日, 可以狂掃當地小吃, 呵呵...

捷克獨有的咖啡可樂, 個個去過東歐嘅BLOG友都會提, 可惜我地搵咗好耐都搵唔到... 唸住問下地陪Wendy小姐啦... 點知... 佢竟然話2009年7月已經停產!!! Oh No... 我唔制呀!!!

Dinner@uZlate Konvice--又係表演... 好嘈呀... 太近啦...

晚餐係大大份嘅波希米亞雜錦烤肉, 團友太太話叫我幫手食埋佢果份... 咪搞... 我自己呢份都食唔晒...

成件PIZZA咁大嘅甜品, 我了咗個角試下味已經放低, 冇食到... 因為之前掃街實在掃得太落力...

食飽飽, 係時候返酒店!!! 今晚嘅酒店都好寬敞...

但係酒店竟然要求每個團友都拎一張信用卡出o黎簽Safety Deposit!!! 話唔比導遊自己一個用信用卡簽晒咁多人!!! 有冇搞錯錯錯錯錯!!! 佢地酒店第一次接待旅行團咩??? 我去咁耐旅行, 從未試過跟團要自己簽Safety Deposit!!! 導遊同Receiption嘈咗超過半個鐘, 最後大佢話"咁我地唔Check-in啦, 走", 個Receiption先肯比導遊自己一個用信用卡簽晒全團嘅Safety Deposit, 攞o黎搞!!!

~~~~~~~~~~~~~~~~~ Day 6 ~~~~~~~~~~~~~~~~~~

美味嘅早餐...

好凍呀, 得4度咋~ 但我都要頂硬上, 影1張冇著外套嘅相... 可能就係因為呢張相, 所以凍病咗, 病足3個禮拜... 嗚嗚嗚嗚...

東歐「暴雨洪災」2010 の 總匯 http://www.kenmerry.com/2014/07/2010.htm