16 April 2010, Friday
今日要去太古城郵局拎掛號信, 拎完買埋o野就順便食埋Lunch...
由於時間尚早, 一入到間餐廳, 得2枱客, 一眼就認出其中一枱係郭晉安同歐倩怡同埋佢地嘅BB, 我唔敢影佢地呀, 好似阻住人地享受天倫之樂咁... 唯有影下Honey啦, 哈哈...
我地Order咗2個Set Lunch...
蘋果綠茶--幾好味呀...
紅菜頭沙律+麵包--好新鮮, 同埋D沙律汁撈得好均勻, Yummy!!! 麵包外脆內軟, 唔錯!!!
蘑菇cream湯+麵包
上完頭盆, 要等多25分鐘個飯先到, 個沙律更加要等足30分鐘, 有冇搞錯!!! 得個2-3枱客, 都要等咁耐??? 廚房入面有超過十個人不停係度郁, 究竟佢地係度搞咩??? 大家如果趕時間嘅, 千祈咪試呢間...
甜酸雞燴糙米飯--食一啖飯, 好勁五香粉味, 嘩, D飯吸晒D五香粉湯, 頂唔順, 不過Honey食得好滋味... 再食一啖雞, 五香粉味冇咁勁, 又OK喎... 再食一啖雅支竹(Artichoke), 淡淡地淋淋地冇咩味...
蕃茄水牛芝士焗茄子及火箭菜沙律--D菜好新鮮, 都幾苦... 蕃茄, 水牛芝士, 同焗茄子都好好味... 不過食完好似冇咩落過肚咁...
好彩晏D又約咗無敵食Afternoon Tea, 咁都唔使挨餓好耐... 今日難得見到文文豬都唔記得同佢影張合照, 嘥晒!!! 文文豬真係好鬼得意, 問佢點笑就即刻扮個招牌笑容出o黎, 非常合作...
是次每人消費約$90元
味道： 4 環境： 4 服務： 4 衛生： 4 抵食： 3
###
地址 : 太古太古城道18號太古城中心1樓142號
電話 : 2967 8163
hi. 路過的, 插句咀, 望別介意.
回覆刪除如果那個飯是用正宗意式risotto煮法, 用明火小火慢慢續杯續杯加入湯汁讓米粒吸收的話, 那真的是至少要花上20分鐘的. 那個salad, 大概是廚師煮好了飯後才做的吧. 如果調轉上, salad吃清光了飯也未必煮好呢.
雅支竹, 哈哈哈. 你食完了十分味濃的五香...才吃味清的它, 當然覺得它淡了.
" 不停係度郁, 究竟佢地係度搞咩??? " 他們一定是在準備午巿高峰人流的食材, 是在作最後衝刺吧. 曾經看過明珠台一些餐廳廚房的節目, 那些廚師真是無停手超忙的呢.
[版主回覆04/17/2011 17:15:00]歡迎你的瀏覽及提供寶貴的意見~
Risotto我都煮過, 我只是初哥, 但係由落單到上飯, 要等候超過30分鐘, 如果要上班, 只有1小時食飯時間的話, 的確冇本錢係呢度食LUNCH~
至於沙律, 你講到佢地好似得一個廚師為客人做菜咁... 如果D廚師咁為客人著想, 係咪應該係個Risotto快將煮好時, 就上定沙律先呢~
平時睇電視劇, 沙律同Risotto係分開唔同廚師做架喎~