晨運晨到金峰靚靚粥麵

19 April 2010, Monday

今朝5點醒咗, 個肚打晒鼓, 瞓唔番, 索性起身去晨運...

5點幾, 個天開始光...

步行落英皇道期間, 發現好多呢種好似吊鐘嘅花正在盛放...

落到英皇道, 發現粥鋪都未開, 行咗去效野公園入口, 想行上紅屋晨運, 但係人都唔多隻, 有D驚... 唯有返去粥鋪對面間24小時麥當當邊飲熱朱古力邊等...

等到7點終於有得食... 我地係佢今日第一枱客...

腸粉--即叫即拉, OK啦... 唔記得落白芝麻添...
油炸鬼--見有網民寫"佢d 油炸鬼好似薯片甘脆", 所以我地都要試下... 即叫即炸, 真係好脆!!!
廋肉粥--廋肉好鮮味, 正!!!
豬膶粥--豬膶超超超出味, 正!!!

食飽又行返屋企, 沖埋涼, 寫埋個BLOG... 好, 返工!!!

是次每人消費約$26元
味道： 4 環境： 2 服務： 3 衛生： 1 抵食： 3
###
地址 :   鰂魚涌祐民街2號地下 (香港水族廣場)