22 April 2010, Thursday
探完B, 我地就要趕去開餐... 5月之星壽宴!!!
呢張相所見到嘅, 只係我地當晚所食嘅1半, 汽水都飲咗17支, 食力非同小可, 加上全間餐廳得我地一枱食到企晒起身, 嚇到隔離左右D食客Keep住眼望望, 哈哈哈... 因為忙於不停食不停食, 同埋張枱根本一次過放唔晒所有食物, 所以冇可能樣樣食物都上鏡...
$10碟安格斯牛肉相當唔錯... 冇上鏡嘅花雕牛肉亦係一絕...
招牌菜--蝦滑用雪糕杯上, 賣相一流, 入口都好爽, I Like It... 瑞士芝士牛丸唔係我杯茶, 好怕入面D淋Pat Pat芝士... 炸腐皮浸一浸就食得, 都幾得意...
鵝肝--鵝肝味唔係太濃, 入口都幾滑...
青島石蠔--佢地話淥完變晒蠔屎, 好搞笑...
雜菌拼盤--賣相一流, 唔知好唔好食嘅呢...
贈送嘅西瓜+橙, 可以落D話梅粉落去先食, 好好味架...
Toilet都幾乾淨... 係環境太嘈, 傾唔到計, 講o野講到拆破喉嚨...
是次每人消費約$160元
味道： 4 環境： 3 服務： 3 衛生： 3 抵食： 4
###
地址 : 灣仔皇后大道東141-145號恆山中心1樓
電話 : 2529 0660
$10碟安格斯牛肉, 咁為何叫咁少呢 ? 唔知有無人聯絡到火星人呢 ?
回覆刪除講真這餐都萛是我最近食得最多肉的一餐
[版主回覆04/26/2010 21:55:00]叫咗Over 25碟食物喎, 仲要叫多D牛???
以地球人現今嘅科技, 係冇能力同火星果邊聯絡... 我地唯有等火星人再黎地球旅行果時, 望佢仲記得我地兼主動聯絡我地啦...
今次都係我食得最多野嘅火鍋，最鍾意係炸腐皮及安格斯牛肉同埋蝦滑，如果唔係見仲有咁多野食，真想叫多一客炸腐皮。
回覆刪除力高:因為每二人先可用優惠叫一客牛肉，所以只有三客。