浣紗廚房 WunSha's Kitchen

26 January 2009, Tuesday

今晚同力仔食飯, 之前一晚唸咗好耐都唸唔到去邊度好, 不過由於我倆無時無刻都唸住晶晶糖水, 所以今次轉陣地, 試下去大坑搵食...

今次嘅目標係貴為「大坑Top 10人氣食店」嘅「浣紗廚房」!!! 之前飲食男女都有報導過, 佢標榜係超靚裝修嘅中菜館... 我地事前做足功課, 人都未踏入間鋪, 已經唸好晒要點D咩菜, 哈哈...
下午2點打去Book位, 竟然都有卡位坐, 勁正... 傳聞中嘅水晶吊燈果然係幾靚吖...

香萶皮蛋豆腐(附送生菜8片)--呢味菜從來都唔係我嘅心水選擇, 不過佢係推介菜式之一, 當然要Order啦... 最後食剩6份1左右...

葡汁焗大響螺--平時都好小食呢味菜, 真係唔知點先叫整得好食, 只知道我地食得好慢好慢好慢...

煙燻豉油雞(半隻)--嘩!!! 呢味一流!!! 一放低, 香噴噴, 一食落口, 充斥住煙燻嘅味道, D雞肉又唔肥, 又冇血, 又唔'鞋', 我地二話不說, 食食食食食... 一陣間, 已經食咗大半碟, 真係好好好味呀)))))) 

鮮拆蟹肉粟米班球--呢味菜竟然要168蚊, 比半隻雞更貴... 坦白講, 鮮拆蟹肉冇味可言, 粟米亦唔突出, 但係, 個班球的確炸得好好, 炸完都仲白雪雪, 而且食完成碟之後, 碟上面1滴油都冇, 我相信呢樣就係佢咁貴嘅原因...

我地原定嘅大計, 係會Order埋豉汁涼瓜炒南瓜, 可惜, 餐牌入面竟然冇咗, 唔制呀))) 

廁所比美五星級酒店, Good Good!!!

食完呢餐已經好好好飽, 但係依然要行去晶晶糖水, 再幹一番事業, 哈哈哈哈))) 我覺得我地個胃好似黑洞咁, 食極都仲食得落, 簡直係無底深潭... 去到晶晶糖水門口, 又見到人揸黃色開蓬法拉利去幫襯, 都係要同我地一樣坐得咁迫, 晶晶嘅魅力真係沒法擋...

是次每人消費約$230元味道： 4 環境： 4 服務：3 衛生： 4 抵食： 2 ###地址 : 大坑浣紗街
電話 : 2890 1230

品坊 the SQUARE

21 January 2009, Thursday

「台山四寶」搵食兵團再度出動!!!

今次之所以選呢間Buffet, 係因為被佢嘅網頁(http://www.thesquare.com.hk/cn/promotion/index.html)所吸引... 上等波士頓龍蝦，澳洲和牛，帶子，三文魚柳，沙甸魚，美國牛肋骨肉，羊扒及德國豬肉腸等，由廚師在鐵板燒區為您即席炮製... 台式黑芝蔴油醉鷄蟹鍋、京式片皮鴨配鮮士多啤梨墨西哥烤餅、參鬚紅棗浸鱸魚、參巴爆爆牛仔肉、意式煮蜆、孜然烤羊脾、冧酒焗排骨、迷你獅子頭、豬骨濃湯豆腐煮白蜆、天多利爐焗瑪沙那燒鷄、咖喱果仁提子烤餅等，還有新鮮美味的海鮮供應... 甜品仲有即席焗製的朱古力心太軟布甸伴杏仁雪糕、燕窩酥皮疍撻... 由1月8日起至3月7日，自助晚餐繼續以超筍價七折優惠饗食客，此外，凡於1月8日 至2月11日出生的壽星仔女惠顧，更送「生日優惠」，只需四人同行或以上惠顧，即送免費紅酒乙瓶...

睇落係咪好吸引呢...

免費紅酒乙瓶--2008年阿根廷出品... 雖然我唔識飲, 但感覺真係麻麻... 酒店聲稱呢支酒價值HK$250, 我就話HK$25就差不多...

Cheers!!!

由"黑面"廚師在鐵板燒區為您即席炮製... 上等波士頓龍蝦得個殼... 羊扒比想像中好... 澳洲和牛都OK... 帶子好硬, 同埋似烚熟多D, 仲好多沙... 完全見唔到有牛肋骨肉...

沙律有5款... 蒙古牛肉沙律真係估佢唔到, 唔錯唔錯... 意式沙律感覺酸酸地, 係有問題果隻酸... 薯仔沙律都OK... 木瓜低脂乳酪沙律簡直一流, Encore...

龍蝦仔勁唔掂, D肉灰色架, 仲要隻隻都係, 我真係唔敢放入口... 青口都幾腥, 麻麻地...

中途試一Round甜品先... 燕窩酥皮疍撻真係要搵法證先鋒幫手搵搵D燕窩係邊度... 芒果拿破崙餅好一般... 泡芙食完都唔知咩味... Crème Brûlée不過不失啦...

開始食熱盤... 香草炒薯都OK... 意式煮蜆完全冇味... 魷魚仔都OK... 炸豆腐凍咗, 我又冇點醬, 完全唔好味... 參巴爆爆牛仔肉好韌呀... 參鬚紅棗浸鱸魚D參鬚係咪唔記得落呢? 味道一般啦...

京式片皮鴨配鮮士多啤梨墨西哥烤餅--好難等, 因為個廚師要兼顧魚蛋檔... 我仲要拎錯醬, 唉... D肉切到咁細, 唔夠攝牙罅, 但味道尚可...

因為驚尾聲時會冇晒雪糕, 所以提早食... 我食咗朱古力同士多啤梨, 好飽呀... 另有雲呢拿同Cookies & Cream可選...

食到都9成飽, 先開始食沙律, HAHA... 材料都幾新鮮...

Ham選擇不多, 淺嘗兩片就算...

食咗2個鐘, 先拎到蟹腳, 全靠貓兄係外面打圈唔返o黎, 返到o黎仲要大大聲咁話"我好唔知醜咁拎咗4隻呀!!!", 完全係比說話隔離果枱聽, 因為佢地無恥到, 每次一有蟹腳, 都拎十幾隻, 等於拎走全部咁滯, 而酒店方面亦好過分, 懷疑佢一個鐘先Refill一次, 每次十幾隻, 每枱都分唔到半隻... 蟹腳味道偏鹹, 尚算新鮮...

桂圓蓮子茶--尚可... 飲咗佢, 再飲埋杯熱檸茶, 真係飽到想嘔...

朱古力心太軟布甸伴杏仁雪糕--接近9點, 見到有架車仔推出o黎, 仲以為係梳乎李, 原來係心太軟, 我就真係冇本事再食得落啦, 唯有問貓兄拎一啖o黎食下... 味道都唔錯, 雪糕係Dryers, 呢味可算稍為有誠意之作...

由於只得貓兄一人之力, 所以飲剩好多紅酒, 又唔比人拎走, 好浪費呀!!!

今餐雖然唔係話好好味, 但樣樣試D都攪到飽到差D嘔... 搭完MTR要行路返屋企, 幫助消化, 返到屋企仲要食埋HELLO MIMI話梅, 個胃先開始冇咁頂, 之後仲要搵D家務做下, 洗衫, 晾衫, 換床單... 總算可以瞓得著...

其實呢度舊時係大華酒店, 8B都有o黎食過Buffet, 我仲好記得, 食到咁上下, DD入廁所扣喉, 出到o黎好似咩都冇食過咁, 再食... 真係佩服到五體投地...

是次每人消費約$222元

味道： 3 環境： 3 服務：2 衛生： 2 抵食： 2 

###地址 : 佐敦彌敦道348號九龍諾富特酒店1樓 

電話 : 3965 8788 / 3965 8782

老趙越南餐廳 Lo Chiu Vietnamese Restaurant

15 January 2009, Friday

今年龍媽壽宴選址位於渡船街的老趙總店, 位置極之偏遠(以佐敦地鐵站出閘計)... 行得咁辛苦去, 內心充滿期望...

渡船街有點麥兜舊區Feel... 店內無裝修可言, 我地被安排坐梳化位, 但只有靠牆的一邊, 我早到2分鐘的, 都只剩紅色Cushion圓櫈, 真係坐到Pat Pat痛...

我地初時想散叫, 但職員極力推銷我地叫2個4人餐(每個$598), 但有D食物實在唔吸引, 最後竟然樣樣都可以改, 勁... 我地另外仲叫咗15杯飲品...

串燒(一打豬肉, 一打牛肉)--唔掂!!! 好懷疑佢冇燒過, 一D香味都冇, 感覺似用微波爐叮熟後放係花生醬上面就上碟...

椒鹽軟殼蟹--好腥呀)))))) 浸咗咖哩汁食都好腥呀))))))

炸春卷--幾香脆...

咖哩大蝦粉絲煲(跟蒜蓉包)--D粉絲好辣呀)))))) 我冇食蝦, 因為見到D炸粉咁厚都唔想食...

咖哩牛腩(跟蒜蓉包)--除咗牛腩, 仲有牛根同豬紅, 味道都OK...

四葉炒蟹--呢味唔錯, 第一次食Basil蟹, 比用咖哩更好...

蒜茸炸大蝦--D蝦啖啖肉, 幾好...

炒芥蘭--Good Good...

炒什菜--No Good...

越式大蝦干炒粉--好惹味...

炒粉絲--No Good...

暈妮再次被感冒菌去到佢度作惡, o黎唔到... 希望佢早日康復啦...

另一小插曲... 勁好笑... Miss Chan Chan唔係好識行去, 就打電話去問點行, 個職員竟然答"你唔好o黎我地呢間啦, 有一間係邊度邊度, 都係同一個老細o架"... 激到佢嘔血...

是次每人消費約$160元
味道： 2 環境： 1 服務：2 衛生： 1 抵食： 1
###
地址 : 佐敦渡船角文苑街18-20號文苑樓地下
電話 : 2384 2143 / 2384 4029

光畫 Light Painting

9 January 2009, Saturday

早幾日睇完TVB News的報導, 實在太得意啦!!! 今日忍唔住在家試試, 不過單反Trade咗, 唯有用傻瓜機曝光15秒玩下先...

一張為食的嘴面...

一對熱戀中的心心

案發現場的粉筆人...

得道成仙...

聖誕樹嘅星星...

我的皇冠...

今晚的晚餐--Fish...

粉筆人再度登場...

2010...

Kero Kero Keroppi...

呢種玩意, 易學難精, 真係需要多D時間去練習...

大家如果有興趣的話, 睇完呢個Video就會識整架啦...

Light Painting Tutorial Video - Fun with Photography
http://www.youtube.com/watch?v=4IS-DBZEXcA

馬仔Towngas小冊子

9 January 2009, Saturday

之前係馬仔BLOG已經見到, 好想好想要呀!!! 雖然公司對面有Towngas, 但係望入去唔覺有, 所以唔敢入去...

今日路過太古Towngas, 佢擺正係大門口呀, 嘩!!! 正呀!!! 我即刻入去笠咗3本, 咁遲D食拉力早團年飯嘅時候, 就唔使帶住兩梳蕉啦, 哈哈...

超便袋裝風褸

9 January 2009, Saturday

聖誕節係德福見到一件超薄風褸, 跟一個好迷你嘅袋仔(比手掌仲細), 可以成件風褸塞入去然後扣係褲度, 真係好想買, 因為實在太方便... 可惜... 要HK$5XX... 唔捨得買呀...

今日路過太古, 見到有差不多的, 只需HK$2XX, 著上身都幾Slim咁, 即買!!!

圖中見到嘅袋仔, 其實係手袖, 成件風褸塞入去, 一索條繩, 攪掂!!! 連袋仔都唔使用, 仲方便!!! 只係Size比較大, 手掌大小, 但價錢較便宜嘛... 都係呢件好D... 哈哈...

日本吉列專門店餐廳 Tonkichi Japanese Restaurant

1 December 2009, Tuesday

上月初再度踩場, 今次嘅試食兵團成員有貓兄, 龍媽, KaKaMa... 哈哈... 台山四寶原班人馬是也...

因為冇得Book位嘅關係, 所以我地選擇早D食, 唔使排咁耐隊(要人齊先可以入座)...

今次我地竟然有卡位坐, 實在太正啦!!!

軟殼蟹--好味呀, 仲大大隻, 啖啖肉...

三人餐--有蠔, 蝦, 豬柳, 豬扒... 佢地話蠔好好味, 冇預佢整得咁好味喎... 蝦都OK... 豬柳繼續係我嘅至愛, 軟綿綿... 豬扒係佢地口味, 冇咁淋喎...

咖哩豬扒飯--貓兄話"好食"...

我地食完繼續傾多成粒鐘先捨得走... 係比人趕走, 哈哈哈哈...

今次KaKaMa好叻呀, 除咗最早到, 竟然仲有50蚊Coupon呀, 估佢唔到...

踏入12月, 商場已經完成佈置...

是次每人消費約$188元
味道： 4 環境： 5 服務：3 衛生： 4 抵食： 3