追完一篇Blog又一篇Blog, 氣都咳... 完成歐洲之旅, 食埋老豆餐生日飯, 隨即又到長頸鹿嘅生日飯... 今次暈妮高度重視, 竟然要請假出席, 實在嚇大家一跳...
醉鴿--一隻鴿可以切開咁多片, 果真鬼斧神工, 嘆為觀止... 味道方面... 當然Yummy啦...
招牌小籠包--都OK, 唔使比人拆招牌, 哈哈...
松子魚(半條)--賣飛佛... 又一神奇之作... 點解半條魚都可以整到咁大碟嘅呢...
脆皮蔥油雞(半隻)--我覺得似例牌多D, 食咗1舊已經冇晒... 味道OK...
鐵版牛柳--呢味最奇, 聞到隔離上枱時勁香, 所以Order... 但係入口冇咩味...
宮保蝦仁--一個字... 辣!!! 冇其他味...
三絲伴冷麵--睇落好似好多醬揀, 但係全部都係一隻味... 酸!!! 十個"珍"!!!
高麗豆沙--呢個抵讚, 因為D糖粉係分開上, 仲有士多啤利醬比你選擇... 點咗士多啤利醬真係超超超好味呀!!!
原本Order咗津白肉絲炒年糕, 可惜到走人個陣都未o黎!!! 最好笑係, 我地開頭唔明長頸鹿點解會話有2個餸未到, 原來佢以為"津白"同"肉絲炒年糕"係2樣餸, 勁搞o野...
唔知點解家下大家變得咁細食, 9位女士加埋先食得果啲啲o野, 夠唔夠飽o架到底...
席間聽下暈妮新工嘅趣事, 真係笑爆嘴... 見到佢而家積極咗咁多, 真係老懷安慰...
是次每人消費約$99元
味道： 4 環境： 4 服務：4 衛生： 4 抵食： 3###
地址 : 尖沙咀彌敦道27-33號良士大廈地庫
電話 : 2366 7244
沒有留言:
張貼留言