24 July 2009, Friday
今年書展Honey又收到VIP飛, 雖然話可以唔使排隊, 之但係... 以往嘅遭遇...
試過被D"食蕉"迫咗我地去排粒幾兩粒鍾嘅普通隊, 無論我地點向佢解釋都冇用!!!
又試過坐的士去正門, 咁就可以用到VIP通道...
不過, 入到去一樣咁多人, 所以即使有VIP飛, 有時都會選擇唔去...
今年因為馬仔(www.maggiemarket.com)出新書, 響書展入面有贈品送, 原本約早兄去掃貨, 佢又怕迫... 咁啱細佬話會去捧太太場, 我即刻話"我有VIP飛, 唔使排隊!!!"... 比飛佢果陣仲補咗一句"
我地一行4人(連埋蘇兒B), 由蘇兒媽帶頭用工作人員Pass突破咗"食蕉"第一道防線, 我同細佬同蘇兒B都唔使拎VIP飛出o黎已經順便過關...
再行前小小, 到達特別通道關口1, 我Show咗VIP Pass可以順利通過, 而細佬因為抱住蘇兒B, 冇Show VIP Pass都可以順利通過...
到咗最後特別通道關口, 因為要收飛, 所以大家都要Show Pass, 除咗有特權嘅蘇兒B(免費)!!!
要讚一讚TDC, 因為佢完全改善咗VIP Pass嘅通行無阻性, 以後我可以好放心咁去行Fair啦!!!
一入到去, 分道揚鑣, 我去1/F掃貨先, 佢地去3/F兒童天地!!!
呢個Booth外型勁Cutie, 成隻蘑菇咁!!!
中庭擴建之後第一次去, Booth與Booth之間空間大咗, 好行咗好多, 亦增設咗坐椅比人休息, Good Good!!!
條路原本好暢通無阻, 突然好塞"人", 原本蔡San o黎咗簽名!!!
辦完緊要事, 隨即上3/F, 掃埋馬仔文具, 就去兒童天地會合!!! 係蘇兒媽個Booth度同蘇兒B玩咗一陣畫畫, 就去咗Forum度聽故事同玩遊戲!!! 講者個樣勁似Bat Man入面嘅Joker, 好搞笑!!! 故事講得好精彩, D小朋友玩得好投入, 玩完仲有小禮物, 人人都好開心!!!
Honey開完會入咗o黎Join我地, 大家分開行多一陣, 之後夜D開始人多, 就閃人坐的士去銅鑼灣食日本菜!!!
返到屋企攰到嘔, 影下D戰利品就瞓... 第二日一早起身做家務, 之後再出街辦D事, 返o黎再瞓過, 瞓醒先有精神慢慢嘆書!!!
沒有留言:
張貼留言