復活節假期第二日, 同奶奶去米芝蓮介紹(冇評級)嘅餐廳飲下茶, 吹下水...
佢個『魚翅撈飯』套餐都幾抵食, HK$198 四位用, 包紅燒竹笙雞絲翅, 瑤柱蛋白炒飯, 豉油皇炒腸粉, 自選點心3款... 5個人食都好夠...
有一個點心個名好特別, 叫"小心流沙麭", 可惜... d皮好厚, d流沙唔識流...
潮州蒸粉果同山竹牛肉球都OK...
食食下見到隔離枱人人都叫一碟好Kawaii嘅龍鬚蛋散, 我地都唔執輸叫番一碟先... Yeah...
呢餐都OK呀, 最正係有得訂位, 環境又唔太嘈, 可以比奶奶盡情話當年...
是次每人消費約$60元
味道： 3 環境： 4 服務：3 衛生： 3 抵食： 3
###
地址 : 九龍灣偉業街33號德福廣場一期F20舖
電話 : 2758 2883
翠園下午茶散叫點心都好抵食
回覆刪除[版主回覆04/22/2009 01:07:00] 係??? 下次去試下先!!!