星期日(2009年4月19日)約好拉力早敍餐, 搵地方嘅先決條件係... 要中午時間唔使搵位之餘, 兼可以任坐唔嬲冇人趕你走, 仲要靜靜地方便傾計, 價錢又要中等, 食物質數又要有番咁上下, 地點又要唔好太僻... 咁難搵嘅地方... 竟然係灣仔出現...
醉雞--好奇怪, 好有雞味, 但酒味小得緊要, 自己o係屋企用李X記醉雞汁整雞翼d味都濃過佢好多, 好彩冇貪心叫半隻啫(半隻要成150蚊o架)... 
雞絲粉皮--OK, 粉皮大大片, 有d酒樓切到青瓜絲咁好難夾... 醬汁好夠, 食到尾都仲有好多醬汁, 有d酒樓食到一半已經冇晒汁要齋食...
小籠包--不過不失, 尚算皮薄...
上海粗炒--合格...
坐足3粒鐘, 得5-6枱客, 好寧靜, 唔使講到拆破喉嚨, 職員多過客, 完全冇人趕你走, 任你坐, 又不時refill熱水, Good Good!!!
是次每人消費約$85元
味道： 3 環境： 4 服務：3 衛生： 3 抵食： 3
###
地址 : 灣仔謝斐道238號世紀香港酒店地庫1層
電話 : 2827 9339
沒有留言:
張貼留言