人人都可以做公主

今晚(2009年2月12日)公司係太古城食開年飯, 食完飯走個陣見到架馬車好靚靚呀!!! 人人都可以坐上去影相o架!!! 一坐咗上去, 即刻覺得自己變咗童話故事入面嘅公主!!! Honey話等閒日夜晚, 帶部單鏡機o黎慢慢影, WoW...

西苑個"原隻鮮吉品鮑套餐"好抵呀, 6位用, $1288(另加一), 包:-
. 原煲老火湯(白果薏米豬肚湯) -- 好好飲呀, 同事L話"好似飲鹹嘅腐竹糖水", 好攪笑;
. 蠔皇五頭鮮吉品鮑(每位壹隻) -- 好彈牙呀, 仲OK大隻添呀, 我地都係為咗佢先揀o黎呢度開年o架;
. 干逼薑蔥班腩煲 -- 好好味呀, 我連皮都食埋呀, 平時我會了起晒D魚皮o架;
. 頭抽霸皇雞 -- 招牌貨, 必吃, 可以撈幾碗飯;
. 魚湯泡翡翠 -- 好好呀, 好鮮甜;
. 合時甜品 -- 有紅豆沙同合桃糊, 同樣好味;
. (16個小菜選2個) 咕嚕蝦球 -- 好大隻呀, 又爽又脆, 好正呀; 京蔥爆黑豚肉 -- 蔥多過肉, 不過都好惹味;

D份量好足, 食極都食唔晒, 而家飽到嘔... Yum Yum... 希望食完開年飯, 工作上一切順順利利!!!