六本木 Roppongi Japanese Restaurant

尋晚(2008年9月8日)拉力早開Annual Birthday Party呀!!! 原定去海港城魚一丁, 但係竟然執咗笠, 電話飛咗去九龍灣分店... oh... 早兄之前去六本木呢度試過幾好味, 好, 去試一試佢...

一開波... 明明DBS信用咭網頁同OpenRice都註明"惠顧食品及飲品8折優惠", 但係經理竟然話"冇咗啦, 比現金嘅話就比個9折你地啦"...

 

我今朝打去DBS Card Centre問, Card Centre都話個優惠係到年尾嘅, 要調查下... 實在太唔老實啦呢間野!!!

 

(DBS之後Call番我, 間o野覆佢地話因為壽司同卷物做緊6折, 所以暫停所有Card嘅優惠... 但係我地尋晚都有食壽司, 係比正價囉...)

個經理唔知係咪估到我寫Blog, 所有食物一上枱都放係我面前, 仲要放到最靚嘅角度先肯罷休...

我可能太肚餓, 竟然"隊"晒D枝豆... 雞軟骨串燒好香口...

什錦棘身--都幾新鮮...
我地掛住傾計, D冰開始熔都未食晒, 經理即刻彈出o黎, "唔好傾住啦幾位, 食咗先啦, 唔係會有細菌o架, D細菌量多到估唔到o架... 呢排D食物中毒我聽見都好驚呀... 我讀過衛生管理o架!"... 哈, 佢居然係我地面前拋書包, 未死過...

牡丹蝦棘身--都幾新鮮...

鮮蘆薈野菜沙律--幾特別, 買相都一流...

大蔥雞肉串燒--燒得好好, 想食多幾串...

蒜香羊扒--不過不失...

牛油果軟殼蟹卷--好味...

蔥吞拿魚腩卷--一般...

鰻魚炒飯--好好味呀, 列入拉姑推介系列...

魚立魚濃湯稻亭烏冬--好好味嘅魚湯, 阿媽煮個種, 必吃...

3個女仔叫到成枱o野食, 真係豪到呢...
我覺得佢嘅食物, 服務, 環境都好, 只可惜... "唔老實"呢樣o野真係扣晒分!!!

 

是次每人消費約$300元
味道： 4 環境： 4 服務：3 衛生： 4 抵食： 3

###
地址 : 尖沙咀彌敦道74-78號文遜大廈5樓
電話 : 2301 1024