舊年9月因為有買Annual Pass送1 Day Ticket嘅優惠, 所以買咗2張Annual Pass, 帶埋阿媽同大家姐同童童去玩...
今年9月竟然可以用多1次"Annual Pass送1 Day Ticket"嘅優惠, 簡直抵到爛...
呢張Annual Pass已經大大話話用過7次, 仲換過2張1 Day Ticket, 之前搵人拎Staff Discount有9折, 計計埋埋... (HK$650 * 0.9) / 9次大人... 嘩嘩嘩... 不得了... 圍起上o黎, 只係HK$65一次喳... 平到笑呀!!!
原本未知有Promotion嘅時候, 我同honey唸住趁張Annual Pass到期之前去多一次, 試下部新相機... 之後貓頭發現有Promotion, 即時組織番個廸廸尼旅行團, 鑽石陣容有:
* 鑽媽, 鑽鑽, 鑽爸...
* 貓頭, 拉姑, DD...
* KaKaMa, KaKa, KaKaBa, KaKa公公, KaKa婆婆, KaKa表哥, KaKa姨媽...
嘩!!! 一數原來有成13個人咁多!!! 好誇張呵!!!
只可惜honey係9月10日唔得閒, o黎唔到... 唯有遲d再有promotion嘅時候, 先再買Annual Pass同佢入o黎玩過啦...
可能因為係星期三嘅緣故, 出動埋"送1 Day Ticket"嘅優惠, 人流依然唔多, 平時連排隊都冇機會嘅公仔花園, 竟然排1-2 pair人就到我地, 高飛直情自己一個響樹發"牛豆", 無人問津, 慘... (好多機動遊戲都唔使點排)
第一次玩小小世界... 嗯... 好似啱小朋友玩多d囉, 可能我已經超齡, 哈哈...
睇緊獅子王嘅時候, 要出去接KaKaMa佢地, 中途見到有職員將d落葉掃成一個米奇頭, 好得意哦...
辦妥之後, 返去獅子王嘅時候又比我地見到Captain Jack, 嘩, 正呀!!!
夜晚睇埋煙花, 血拚埋, 我地先捨得走, 真係玩多幾次都仲得!!! Yeah!!!
雖然是 65元一次, 但未計你本人請假的 cost. 下次唔該例明清楚.
回覆刪除這兩人樣子有点駭人, 所以我冇跟他們拍照. 事後我在想, 究竟他們是否香港人來的.
[版主回覆09/17/2008 22:21:00]我D OT假唔用唔通攞o黎放到年尾報銷呀?!
我又唔似得你D闊太, 秒秒鐘都咁值錢, 係半島酒店買個手袋只可以用10分鐘!
嗰兩條友係咁同我地講英文問我地邊度來，我話係香港人呀咪玩啦快啲影相啦，佢仲繼續中英夾住係咁講，真係Jack Sparrow上身咁講唔完，如果唔係趕住返去搵DD，同佢地吹吓水都幾好玩！
回覆刪除[版主回覆09/17/2008 22:24:00]我都費時答佢!
真係唔好意思, 要你中途出來接我, 當晚真係有ｄ意猶未盡, 我阿爸話嘩..乜咁快就關門啦.....
回覆刪除[版主回覆09/17/2008 22:26:00]我地睇過o架啦, 唔使唔好意思!
果兩人唔係咁似，應該請香港寬頻果個。
回覆刪除唔怪得知我等咁奈啦，睇下野又要睇你地到未，鬼鬼祟崇咁
[版主回覆09/17/2008 22:34:00]影個張相唔使排隊o架, 影咗一陣喳! 靜雞雞話你知, 我地係門口都等咗某人一段時間呀, 所以你唔好怪我同貓頭啦...
似乎十分鈡買個袋, 可以比得上家好月圓的金句; 不過我最近喜歡, 半夜十二時的十月初五的月光裡的金句, [我萬朱莎華, 最講道理]
回覆刪除