2008年6月24日 10:45PM
「風... 神神神神」殺到... (8號風球唔係年年有, 所以大家要好好珍惜)
無咩雨, 但係頭先行番屋企, 拎住個6磅幾嘅西瓜, 都吹到我行到好似醉酒漢咁...
當時仲心唸, 風力就算勁過8號風球, 天文台一樣唔會掛8號o架啦...
計算錯誤... 只要唔係Office Hour, 天文台絕對豪得起, 就好似上次黑雨咁...
真係好政治性...
後記:
第二朝8點起身, 唸住應該落咗風球啦, 竟然未落, 好少可... 打開其中一個窗, 竟然比風吹番埋, 之後仲比D風吹到點開都開唔到... 刷牙個時仲發現書房張枱面有一大攤水, 原來成個All-in-One Printer 同拖板都比水浸晒, 好彩冇溜電, 險... 估計係經冷氣機吹入o黎...
風神果然名不虛轉!!!
吓))))))))))冷氣機會入水？有請解釋一下！
回覆刪除是冷氣機空位嗎？咁啱我阿媽屋企又係咁、你成個拖板比水浸晒都唔漏電？你真好彩！
回覆刪除我家姐間房個冷氣機話漏電要換、要整成幾仟蚊、肉赤到我家姐xx聲呀!
跟住個廚房地板又話有水浸、後來．．原來是隔離屋裝修整穿左個唔知咩、叫佢培錢..佢仲拖緊、唔知培唔培到呀!
今次打風吹正西南風,好彩我屋企座向"東南" ;.....冷氣機入水ma,我都try過啦,後尾用玻璃膠封番個邊就會好少少啦.....
回覆刪除