跳蚤市場@西鐵錦上路站

尋日(2008年5月11日)返錦田慶祝母親節, 一出西鐵站, 比人山人海嘅景象嚇一跳... (平時真係鬼影都唔多隻)

 

唔知點解有好多唔同顏色嘅屋仔楝咗係站外面... 望清楚D, 好似係跳蚤市場!!!

 

我第一眼就見到"和記隆", 唸住買D龍鬚糖, 跟住力仔就突然出現... 食緊第一粒, 大姊同二姊一家亦浩浩蕩蕩殺到, 真係約埋都冇咁橋...

 

 

 跟住行咗一陣, 比我地見到D奇景, 就係身後面個位女仕... 坐係張類似FACIAL CHAIR上面, 個頭比個好似吸塵機嘅吸盤吸住, 究竟搞咩鬼... (我地企咗係度睇咗好耐, 見到有張單張寫住頭部護理, 真係匪而所思)

 

 

最開心嘅應該係班細路, 因為一人一枝冰糖葫蘆(士多啤梨), 又即啄叮叮糖, 又燒魷魚, 仲有哥哥逗佢地玩魔術, 仲有好多對佢地呢講好新鮮嘅o野... 特別係攤位遊戲(撈魚仔, 射波, 波子機)啦當然!!!

 

我就悶到嘔, 見到又銀行又保險, D氣氛比佢地破壞晒!!! 對我o黎講比較有興趣嘅就只有原板蜂蜜, 雞公餐具, 同埋懷舊小吃!!!