佛誕赤柱一日遊

今日(2008年5月12日)係紅假最後一日, 尋日Plan好咗今朝一早起身去赤柱...

 

æ首先就去"書齋"食晏...

 

(http://hk.myblog.yahoo.com/ken-merry/article?mid=1866)

æ之後就去Jenny Bakery買曲奇餅...

 

(http://hk.myblog.yahoo.com/ken-merry/article?mid=1868)

æ跟住逛下赤柱大街...

æ未夠鐘食下午茶, 再行下赤柱正灘先... 當時正值2:30pm左右, 水位奇高, D浪仲打咗落我地個相機度, 之後先知四川有地震, 唔知水位高同地震有冇關係...

æ之後去赤柱市政大樓, 行下佢嘅空中花園, 嘆下冷氣, 去下廁所, 好舒服...

æ夠鐘去美利樓飲下午茶... 見到有人放風箏, 大風到就咁掛係樹上面都放到咁高, 勁...

睇緊食咩好期間, 唸住拎支水出o黎飲下, 點知鬆咗手, 跌咗落地, 跟住一路轆轆轆... 轆咗出圍欄, 下面個層仲有人影緊相, 又細路又大人, 我大叫"下面小心呀", D人一D反應都冇, 我個刻個心差D嚇到停...

 

 好彩, 冇掉中人, 跟住我地飛奔落去執番支水, 好彩個班人幫我地打企咗支水, 唔係佢又再轆落下一層, 我地就冇咁好彩... 個細路仲用英文模擬我當時大叫個樣比D大人睇, D大人仲係度大笑, 實在樣衰到爆... 即刻逃離現場...

之後逃咗去Pacific Coffee飲杯Coffee就坐巴士返歸...

 

æ搭車返到西灣河, 順路去埋順興潮汕滷味專門店, 買滷水鵝返屋企開餐...

 

(http://hk.myblog.yahoo.com/ken-merry/article?mid=1876)

咁又一日, 不外乎食食食, 哈哈!!!