雅敍一堂 Lis Kitchen

上星期六晚食完味竹, 『志X飯局』主持話介紹我地去間新店試菜, 係味竹轉個彎位就係, 我地順便行去訂埋位, 唸住星期日(2008年4月20日)晚又有好o野食...

 

呢間新店大大個牌, 打住"五星級酒店出身大廚主理及管理"嘅旗號...

 

æ太爺雞--之前一日預訂, 煙燻嘅, 係有好濃烈嘅香味, 但食落口就冇咩味...

æ蜂巢酸甜脆豆腐--都幾香脆... 唔知點解要加個馬頭...

æ菜甫肉崧煎蛋餅--潮州家常菜, 鹹咗小小...

æ美極煎海蝦--Order龍虎榜第5位, 賣相唔掂, 食落好似唔多新鮮, 味道亦唔覺得5星級得去邊...

æ鮮枝竹魚湯浸時蔬--配咗娃娃菜, 都幾夾, 清清地, 家常菜首選...

æ燒汁什箘牛柳粒--呢味都深得我心, 多D都食得晒...

æ乾炒牛柳河粉--見隔離枱個碟好正咁, 照樣Order一碟, 好夠鑊氣...

我地訂咗枱, 遲咗一陣又比咗枱人, 要我地坐係廚房加廁所門口, 廚房D聲嘈過高速公路, D熱氣又攻到頭頂條8呎長冷氣槽狂滴水落我地個身上面, D侍應叫極唔應, 又唔酙茶...

如果話佢係一間五星級嘅茶餐廳都尚算可以... 咁嘅價錢... 我可以有大把選擇...

 

是次每人消費約$120元
味道： 3 環境： 2 服務： 2 衛生： 2 抵食： 2

###

地址 : 側魚涌太古城衛星閣地下1008-1009號舖
電話 : 2513 8886