Hong Kong Open 2007

又到咗一年一度嘅大日子啦...

 

今朝(2007年11月18日)一早起身, 搭車去金鐘坐shuttle bus去粉嶺高爾夫球會睇比賽...

到步後, 去同熟人打個招呼, 就開始睇比賽...

睇咗6個洞, 已經到食飯時間, 今年有出前一丁碗麵呀, 殊... 殊... 殊... Yummy!!! 食多件三文治, 又再上路...

呢倆件鬼佬, 一條PAR落2次沙池都夠胆死, 有一次仲飛埋個波入樹林, 職業球手都咁... 即刻覺得自己唔係打得好差啫, 嘩哈哈哈...

睇咗14個洞, 又要坐低休息下叉下電先... (d薯條超好食, J W Marriot出品)

如果怕行太辛苦, 可以一路飲啤酒, 一路睇住大銀幕, 不過... 咁不如係留係屋企睇啦...

食飽飽去ProShop掃下貨先, 好多抵o野買o架... 4點幾又坐番shuttle bus去金鐘, 嘻... 我地倆個係車度瞓到隻死豬咁, 好彩冇狗仔隊跟啫!