11:00am 出發...
12:00nn 青衣城食lunch...
13:30pm 到達迪士尼
我鼓起勇氣跟honey入鬼屋, 但全程合埋眼貼住佢個膊頭, 入面黑漆漆連路都睇唔到, 只聽到honey全程笑到"咭咭"聲... 出左鬼屋我全身都出晒汗...
排隊同米奇美妮影相時, 有國語小妹妹跪在地上伸高手說"寄錢喎, 超超你"(比錢我, 求求你), 帶住佢嘅老婦即時黑面, 我心諗, 平時果然訓練有素, 呵呵...
排隊同阿積影相時, 有國語阿叔叫我幫佢睇住個位, 我冇答應佢, 佢已經閃左去, 我發晒脾氣同honey講"痴線, 佢咪好着數, 唔使排就有得影相, 我時薪幾錢呀, 佢比唔比得起呀, ... 等陣佢番o黎我死都扮未見過佢架,...", 之後... 個國語阿叔真係返轉頭, 仲帶成團人黎, 企番係我前面, 仲鬼咁大聲(大聲過大聲公)講左好耐野, 直迫我同honey嘅忍耐極限, 到阿積出o黎時, 佢地唔理所有排隊嘅人, 走去龍頭睇, 然後又開一輪"大聲公", 發覺冇積蘇, 唔影相就閃左去...
前面位高大弟弟用國語同我講"佢都唔知自己排咩, 見我排佢又排, ...", 我用廣東話答"係啦".
隔一陣, 高大弟弟又用廣東話同朋友講野, 再隔一陣, 高大弟弟又用英文同我搭傘, 我又用番廣東話答"哦", 唔知佢做咩用咁多語言, 可能佢想話比我知, 佢係讀國際學校啩!
夜光鬼魅巡遊勁正, 好有氣氛, 全程"伸直隻手, 然後交叉"... (請看下回分解)
20:30pm 打道回府
我都好想再去disney, 不如你幫我安排吓!
回覆刪除咁幫我安排埋,我都成年無去 hong kong disney
回覆刪除轉咗聖誕裝飾後一齊去啦！
回覆刪除我一次都未去過，有冇人做攪手呀，我舉手去！
回覆刪除我連繼2年去都係聖誕主題，但要平日去，拉姑張通行證好似係平日架
回覆刪除好野 ! 拉姑, 居然冇回應.
回覆刪除哈哈, 鑽媽, 你咁講, 我想"lay"埋都唔得啦! 究竟你想我幫你安排到咩地步先? 定埋日子買埋飛?
回覆刪除DD, 你係咪都要我幫定埋日子買埋飛?
貓頭, 咁係過囉喎, 約實你架啦!
無敵, 你咁問, 係咪想appoint我做攪手先? 係既話, 我都好樂意既! DD講得冇錯, 我張通行證係平日架, 不過見你成日都放星期一, 請假應該冇問題啦呵!