昨晚(2006年11月16日)由於KaKa媽要為貓頭夫人及力哥賀壽，所以大家約咗出嚟食飯，地點由力哥揀，由於力哥好想食鵝肝，所以佢揀咗食法國菜。
力哥 -- 上次你第二次話要食鵝肝但又放咗飛機，我已千叮萬囑不要再吃鵝肝了，結果、、、
鵝肝其實唔吉利我倆！已經係第三次喇！係第三次力哥你好想食鵝肝，跟住又放咗飛機！
我不是怪你，只係希望你信下邪！
返翻正題！
晚餐有三道菜($188)及四道菜($208)選擇，包tea/coffee，法包(跟牛油)任吃。我地三個都揀咗3 courses，唔要湯！我的選擇係：-
頭盤: 凱撒沙律 伴 香煎大蝦 (OK，d蝦煎幾好食)
主菜: 香煎海鰽魚 伴 什菌意大利燴飯 (OK，不過不失)
甜品: 朱古力心太軟 (失望，朱古力唔香，又焗得唔夠，唔合格)
真係SOHO區都唔一定好吃(註：不難吃唔等於好吃)！但氣氛同裝修都OK，同另一半唸唔到食乜時都可以一試！
同場加映：隔離枱兩男三女，男左女右；三女悉心打扮，放晒電；兩男落力表現電話搶火，又表現魔術，笑吟吟；正所謂姣婆遇着脂粉客，好嘔心，Waiter，『那那聲』埋單呀唔該！
地址: 中環蘇豪伊利近街45號地下
電話: 2526-8318
我覺得食物整體都是一般, 沒有想像中美味, 甜品尤其的差勁, 小店的好吃得多了!
回覆刪除隔離抬那台, 唉..真是眼冤! 難為我對正他們幾個, 搞到我成晚身不由己, 座都座得唔舒服!
那個噴火男真的當正自己是驚世魔術師, 很有型吧?
I'm so sorry about it............... BUT really I think I have bad mood if I attend. Upto now, I also worried about him.
回覆刪除