坐完同「鐵達尼號」同年啟航嘅古董蒸氣船TSS Earnslaw Steamship Cruises……
係Walter Peak High Country Farm睇完剪羊毛＆牧羊狗趕羊表演……
係Colonel’s Homestead Restaurant食完Yummy Yummy嘅Lunch Buffet……
下一站……
🚢🚢🚢💨💨💨
🚌🚌🚌💨💨💨
大家要有兩手準備：嚇破膽！尖叫聲！
我話過，除非有人用支槍指住我個頭，唔係……我一定一定一定唔會跳落去！！！
YOU JUMP！I DON'T JUMP！！！
笨豬跳發源地……Kawarau Bungy Centre！！！
導遊話多數都係女仔跳，男仔多數係比女朋友迫跳：証明你愛我你就跳落去！😆
導遊又話，唔跳唔係最樣衰，最樣衰係最後１秒腳軟到跪低咗，跳唔到落去，比工作人員抬返出黎😆
Are you ready?!!
Jump!!!
全場無份跳嘅都有份尖叫😆
有後生女團友以前跳過，佢話最辛苦唔係跳落去，最辛苦係橡皮艇接返你上岸之後，你要自己行條天梯返上黎😆
聽聞可以選擇濕身，不過今日天氣預報係落雪，有幾凍，你自己諗……所以今日無得濕身！
點都要影張「到此一遊」照嘅～
有人話要行去橋中央影相，被攝影師拒絕！
去廁所都好Scary！
一個團友都唔跳，好快散水～
上旅遊巴時司機問我有無跳，我同司機解釋：Bungy廣東話發音等於Stupid Pig，笑屎司機，佢話好貼切～
🚌🚌🚌💨💨💨
回程路經箭鎮，導遊講解吓以前Ｄ中國人買豬仔黎紐西蘭淘金嘅辛酸史……
重中之重：廁所！（上面幅相嘅右下角）
重中之重：士多！（上上面幅相嘅右邊）
完！！！
行返去停車場之前，見到有遊客學淘金～
淘金大道！個鎮……嘅商店街……就係咁大？！！（司機幾鬼馬，偷偷入鏡，原來佢有一半愛爾蘭血統，唔怪得Ｄ口音咁似曾相識啦）
金舖呀！！！
🚌🚌🚌💨💨💨
返到皇后鎮，未夠鐘食飯，放大家係ＭＡＬＬ行一陣……
６點，夠鐘上山吹風！（７點先放飯）
🎶吹呀吹讓這風吹🎶（小鳳姐黎到呢度一定好忙）
唔係扮野，堅凍架！！！雪呀！！！真係有落過雪呀今日！！！９月飛霜，好大怨情呀，包大人！！！
傻婆玩完雪，就玩Jelly Belly……我鍾意Rotorua架Jelly Belly車車多Ｄ囉！
⭐注意⭐係觀景臺嘅另一面，爆多人，而我地又不斷用３６０相機自拍，引起咗賊人垂涎，我行多兩步發現，個手袋嘅拉鍊比人打開咗超過２０ＣＭ，自拍棍唔見咗，好彩支自拍棍根本壞壞地，個螺絲位非常鬆，部３６０相機甩咗係手袋中間，就差５ＣＭ左右個賊人就會得米～
雖然紐西蘭羊多過人，但遊客都可以係賊，去到皇后鎮大家真係要提出警覺呀！！！
同Rotorua一樣，都係Skyline x Stratosfare Buffet！餐廳裝修都一樣～景觀都一樣係望落山睇吓湖～
但有一樣唔同，座位好差，Rotorua Stratosfare係大圓枱，好寬敞坐得好舒服，出入自如，Queenstown Stratosfare係10人長枱，同後面椅背貼椅背，坐入面根本行唔到出去拎野食！！！
最最最慘嘅係……輪米條龍長達幾十人，見到都驚，根本無可能分幾次拎，食Buffet只Take了３轉我人生係第１次！
仲要，有外國人打尖唔排隊攞野食，條龍長到咁，盲嘅都睇到，睇唔到都撞到，條龍幾乎封晒所有樓梯位，個白人女仔（２０出頭）大搖大擺行去反方向狂拎野食，我出口叫停佢，居然後面有白人女人（５０出頭）出手制止我……
地球總有呢Ｄ人，上次係淡水巴士總站有４個差不多年紀（２０出頭）２男２女唔排隊就企係我前面，我排第１架！後面過百人排緊隊，我都排咗半個鐘先排到第１，你１秒都唔排，就「得」係我前面？我實大大大聲話仍地，等後面排緊果１００人知道有人打尖！排我後面個台灣阿姨（６０出頭）又係出手制止我……呢個世界多得有你地，先有咁多人無畏無懼咁打尖！
食物味道都係Rotorua Stratosfare好Ｄ，選擇又多！Queenstown Stratosfare連青口都無，有Ｄ失望！
蒸虎蝦係Rotorua Stratosfare無嘅，肉質好彈牙，香港Ｄ冰鮮霉肉無得比～（食完即起水泡）
拎完咁大碟甜品，都未開始食，就聽到附近有人唱生日歌～（歌聲越來越近）
原來今日有女團友生日！！！佢老公好ＳＷＥＥＴ地出發前ＳＥＮＤ ＥＭＡＩＬ聯絡餐廳訂蛋糕，比個生日驚喜佢～
個生日蛋糕勁大個，１８份之一都大過晒我上面碟甜品，抱住唔好浪費食物嘅宗旨，好好好辛苦地清碟～
如果個生日蛋糕早５分鐘攞出黎就好喇～
介紹吓呢碗喇沙……其實係一開始，見有Ｄ人排緊隊拎野食，自助喇沙人影都無隻，就拎咗返埋位先，果時個個團友都出晒去拎野食，出入座位尚算自由～
碗喇沙……超級無敵極級難食到震！！！水喉水可能好味Ｄ～
味道：★★★☆☆
環境：★★★☆☆
服務：★★★★☆
衛生：★★★★☆
抵食：★★★☆☆
Stratosfare Restaurant
地址：Skyline Queenstown Brecon St, Queenstown 9300, New Zealand
電話：+64 3-441 0085
網址：skyline.co.nz
８點落山繼續ＳＨＯＰ ＳＨＯＰ ＳＨＯＰ～
9日6夜行程：
Hong Kong ✈ Auckland
🚌 Roselands Waitomo Caves（自助午餐）🚌 Waitomo Glowworm Caves 🚌 Te Puia毛利人村落x傳統Hangi晚餐（自助晚餐） 🚌 Rotorua Millennium Hotel（住宿＋自助早餐）🚌 鹿制品工場 🚌 Holiday Inn Auckland Airport（自助午餐）🚌 Auckland ✈ Queenstown 🚌 Prime Waterfront Restaurant and Bar（晚餐）🚌 Millennium Hotel Queenstown（住宿＋自助早餐）
🚌🚢 百年古董蒸汽船x牧羊場表演 （自助午餐）🚢🚌 笨豬跳發源地 🚌 淘金鎮 🚠 Skyline & Stratosfare Queenstown（自助晚餐）🚠🚌 Millennium Hotel Queenstown（住宿＋自助早餐）
🚌🚢 Milford Sound Cruises（自助午餐）🚢🚌 龍蝦鮑魚宴（晚餐）🚌 Millennium Hotel Queenstown（住宿＋自助早餐）Christchurch ✈ Auckland ✈ Hong Kong
沒有留言:
張貼留言