初o黎步到，對附近環境非常陌生，前幾日咁啱有時間圍住個社區行1圈，比我地發現咗呢間餐廳，睇落幾唔錯，搵日有機會來試試。
今日一試，驚為天人！
好味到Honey食完上網調查，原來餐廳係附近醫院工作的醫生開設，想自己同同事有安心健康的優質食物可選擇。
彩虹莓果優格沙拉認真到離奇，又新鮮，勁大碟，味道仲要好好味，out of expectation!
焦糖洋蔥乳酪鹹塔又另一驚喜！睇餐牌時覺得熱前菜無樣吸引，無奈下揀一樣無咁飽嘅，上枱後睇個樣都覺得唔慌好味，Hea住試一啖，搞錯呀，咁好味嘅！
可能是閒日的關係，可能得我地1枱客的關係，個Slow Cook戰斧豬排，好味到離奇！肉質又柔軟！太過分喇，忍唔住又KO晒，想飽死我咩？！
雞肉卷係因為無鱈魚先叫，我真係堅飽架，落單之前已經。上枱後都唔願食，又係諗住試1啖就算，點知凍晒都好味，搞錯，咩事呀而家，慌我未飽死呀而家。
唉，食物份量大到離奇，飽死！一般Fine Dining食物份量都小到離譜，呢度係飽到你反肚。
之後有約天母朋友再來食4人餐 （打包了2大袋食物走），佢地都大讚好味又抵食，話下次要帶阿仔阿女來，仲話天母揸車去101同o黎呢度都差不多時間。
環境走簡潔光亮路線，乾淨俐落，I like it!
幾個職員服務我地2個，提供Instant的服務之餘，給予恰度的私人空間，太舒服。（好怕熱情奔放講不完的店主或店員，食完幾粒鐘都走唔甩差D要留響度傾通宵果隻）
味道：★★★★★
環境：★★★★☆
服務：★★★★☆
衛生：★★★★☆
抵食：★★★★☆
BREADNA
地址：台北市 林口區 四維路62號
電話：+886 2 2601-8509
網址：breadna.com
沒有留言:
張貼留言