Ken & Merry 為食男女，遊走世界!!!: 沖繩「婚紗攝影」2014の≪1972年創業≫泡盛古酒と琉球料理うりずん

2014年9月24日星期三

沖繩「婚紗攝影」2014の≪1972年創業≫泡盛古酒と琉球料理うりずん

13 September 2014, Saturday

今次出發前好努力咁上網搵定沖繩有咩餐廳好食... 我同Honey都無車牌, 遠的地方去唔到了, 只可以沿著Monorail單軌電車路線搵食...

在網上見到≪1972年創業≫多年來一直保持人氣的沖繩宮廷料理店, 鄰近安里單軌車站... 剩係呢幾隻字已經深深地吸引住我... 明天一大清早就要去化妝師間房化妝, 今晚唔想週圍去搞到個人攰晒, 近近地係酒店附近食好喇... 就呢間!!! Perfect!!!

Google Map 顯示8分鐘, 所言非虛... 係酒店行返出Monorail電車路軌, 沿國道330號線一直向著安里駅(Asato Station)方向行就會見到間餐廳... 我地開住WiFi蛋同Google Map, 好似攞住個羅庚睇風水咁週圍行, 途人見到都忍唔住望多幾眼...

店舖有2層高, 以木材興建, 簡樸的外觀, 淡淡然滲透出的古舊魅力, 心裡暗嘆"咁先似日本餐廳嘛", 心頭大石已放下一半... (對面屋都應該係餐廳的一部分, 店員經常捧住食物出來送到餐廳內)

報時訊號一響... 沖繩現在嘅時間係... 6:30PM未夠... 店內竟然Full House?!! Oh No!!! 忘記了今日係星期六, 假期呀!!! 無訂枱, 點算呀?!!

除了我倆, 全場都是日本人, 店員用漢字寫"滿座", 我一時情急, 用電話上網開Google Translate... 輸入英文然後翻譯做日文, 再隊個電話比店員睇, 總算溝通到...

電子對話如下...

拉姑 : Can I wait for tables? 私はテーブルを待つことはできますか？
店員 : (指著牆上的鐘, 寫6:30在紙上, 再寫8:00)
拉姑 : Return table on 8:00 午前八時にテーブルを返します
店員 : (寫午後8:00在紙上)

我即刻狂點頭說Ok Ok!!! 店員指示我上樓梯... 超感動, 好彩有Google Translate解圍!!! 好彩有租WiFi蛋咋!!!

梯間展示了店主珍藏的百年泡盛... 係日本, 你好少機會可以見到咁多麈...

2樓環境好正, 榻榻米(Tatami), 木天花, 紙門, 100%懷舊日本Feel呀!!!

牆上掛了沖繩結他, 兩杯古酒落肚隨時可以Jam歌...

Welcome Snack的汁煮大根清甜無根, 入口即化, Oishī...

Order飲品時又要用電話上網用Google Translate輸入英文翻譯日文隊個電話比店員睇... Hot Tea 熱いお茶... 現場所見得我1個唔係飲啤酒... 話晒都係居酒屋, 飲熱茶會否太唔比面呢?!! 哈哈...

獵戶座啤酒オリオンビール 648円
茉莉花茶ジャスミン茶 324円

ドゥル天 648円
-- 人氣No.1, 田芋是沖繩獨有的芋頭, 類似薯仔卻有粘性, 混合豬肉、魚糕、香菇做成炸丸子, 香脆的外皮, 軟糯的芋蓉, 熱呼呼的, 對減肥3個月的我來講, 誘惑勢不可檔, 堤壩終於崩塌, 好味到停唔到口, 懶理明天還要影婚紗相...

魚てんぷら 648円
-- 一直以為是炸雞柳, 直至寫Blog時去返餐廳網站睇Menu先知道, 當晚我同Honey食得津津有味的, 原來係魚天婦羅!!! 實在難以置信, Honey平時唔肯食魚的, 果晚對呢碟疑炸雞柳讚不絕口, 薄薄的一層塩味天婦羅麵糊, 包裹著白雪雪又柔嫩的肉, 味道淡淡的帶點鹽鮮, 是當晚最好味的一道菜... 2片苦瓜天婦羅外型有點蝦碌, 像輪胎...

正如店方的口號, 以舌頭深情地享受沖繩的魅力, 在沖繩的第一晚已經感到滿心歡悅欣喜, 沖繩真是一個旅遊的好地方!!!

再給大家多一點資訊... 店主對百年泡盛的執著及熱誠, 無私的精神令人動容... 店主成立了「泡盛百年古酒元年」, 招募成員了3000名成員, 每年聚集在一起制作琉球泡盛酒, 200年後, 讓成員的子孫能夠品嚐到琉球王朝200歲古老清酒, 延續沖繩島之寶的神話...

うりずん的人氣並非虛構, 餐廳網站轉載了1992年的報章報導, 圖文並茂詳述餐廳的內部結構...
引用 : 酒飲み仲良し新聞 http://www.urizn.gr.jp/urizunmemorial/shinbun
nakayoshi4

離開時剛巧樓下廂房的客人也離開了, 秒速拍照留念...

午後8時, 店面更具魅力, 倆口子滿足地捧著肚子散步回酒店...

剛才行過來的時候都留意唔到餐廳附近的榮町市場, 入夜後亮了燈很奪目, 內裡有好多餐廳, 好吸引, 下次有機會會來試試...

餐廳相關網址 : -
http://tabelog.com/okinawa/A4701/A470101/47000019/
http://www.urizn.gr.jp/

是次每人消費約 JPY$ 2430 元 (約HK$180)
味道： 4 環境： 5 服務： 4 衛生： 4 抵食：4
###
地址 : 沖縄県那覇市安里388-5
電話 : 050-5872-7962

沖繩「婚紗攝影」2014 の總匯 http://www.kenmerry.com/2014/11/Okinawa.html

沒有留言:

張貼留言

訂閱：張貼留言 (Atom)

網頁清單

2014年9月24日 星期三

沖繩「婚紗攝影」2014の≪1972年創業≫泡盛古酒と琉球料理うりずん

沒有留言:

張貼留言

2014年9月24日星期三